Home
မြန်မာသတင်း
အာဆီယံတွင် မြန်မာက စီးပွားရေးတိုးတက်မှု အနိမ့်ဆုံးဖြစ်လာနိုင်ဟု OECD ခန့်မှန်း
DVB
·
April 11, 2023

အာဆီယံဒေသတွင်းနိုင်ငံတွေထဲမှာ မြန်မာက စီးပွားရေးတိုးတက်မှုနှုန်း အနိမ့်ဆုံးဖြစ်လာ နိုင်တယ်လို့ စီးပွားရေးပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးအဖွဲ့ (OECD) က ခန့် မှန်းထားပါတယ်။

OECD က ထုတ်ပြန်တဲ့ ၂၀၂၃ ခုနှစ်အတွက် အရှေ့တောင်အာရှ၊ တရုတ်နဲ့ အိန္ဒိယနိုင်ငံ တွေရဲ့ စီးပွားရေးဖွံ့ဖြိုးတိုးတက်မှုဆိုင်ရာ အစီရင်ခံစာမှာ ခုလိုဖော်ပြလိုက်တာဖြစ်ပြီး ကမ္ဘာ့စီးပွားရေး နှေးကွေးမှုနဲ့အတူ အရှေ့တောင်အာရှရဲ့ စီးပွားရေး တိုးတက်မှုနှုန်းဟာ ပြီးခဲ့တဲ့ ၂၀၂၂ ခုနှစ်က ၅ ဒသမ ၆ ရာခိုင်နှုန်း ရှိခဲ့ရာကနေ အခုနှစ်မှာတော့ ၄ ဒသမ ၆ ရာ ခိုင်နှုန်းအထိ ကျဆင်းနိုင်တယ်လို့ ပြောလိုက်တာပါ။

မြန်မာ့အိမ်နီးချင်း ထိုင်းနိုင်ငံကတော့ ပြီးခဲ့တဲ့ နှစ်တုန်းက ၂ ဒသမ ၆ ရာခိုင်နှုန်းကနေ အခုနှစ်မှာတော့ ၃ ဒသမ ၈ ရာခိုင်နှုန်းထိ တိုးတက်လာနိုင်ပြီး ဒေသတွင်း အဆင့် ၆ နေရာမှာ ရှိနိုင်တယ်လို့ OECD က ခန့်မှန်းပါတယ်။

ကမ္ဘာလုံးဆိုင်ရာ စီးပွားရေးတိုးတက်မှုနှုန်း နှေးကွေးနေပေမယ့်လည်း ထိုင်းနိုင်ငံကတော့ လာမယ့် ၂၀၂၄ ခုနှစ်မှာ ဂျီဒီပီ ၃ ဒသမ ၈ ရာခိုင်နှုန်းထိ တိုးလာနိုင်မယ်လို့လည်း ဆိုပါတယ်။

ဗီယက်နမ်နိုင်ငံကတော့ အခုနှစ်မှာ ၆ ဒသမ ၄ ရာခိုင်နှုန်းနဲ့ ဒေသတွင်း ဂျီဒီပီအမြင့်ဆုံး ဖြစ်လာနိုင်မယ်လို့ ခန့်မှန်းထားပြီး သူ့နောက်မှာတော့ ဖိလစ်ပိုင်က ၅ ဒသမ ၇ ရာခိုင်နှုန်း၊ ကမ္ဘောဒီးယားက ၅ ဒသမ ၄ ရာခိုင်နှုန်းစီ ရှိနိုင်မယ်လို့ ဆိုပါတယ်။ OECD ရဲ့ ခန့်မှန်း ချက်အရ စင်ကာပူနဲ့  မြန်မာနိုင်ငံတွေကတော့ အနိမ့်ဆုံးစီးပွားရေးတိုးတက်မှုနှုန်း ၂ ဒသ မ ၂ ရာခိုင်နှုန်းနဲ့ ၂ ရာခိုင်နှုန်းစီ အသီးသီး ရှိနိုင်တယ်လို့ ဆိုပါတယ်။

အရှေ့တောင်အာရှဒေသတွင်း အခုနှစ်အတွင်း စီးပွားရေးတိုးတက်မှုနှုန်းကို နှောင့်နှေးစေ တဲ့ အဓိကအကြောင်းရင်းတွေကတော့ ငွေကြေးဖောင်းပွမှုနဲ့ ကမ္ဘာ့စီးပွားရေး နှေးကွေးမှု တို့ကြောင့် ဖြစ်တယ်လို့လည်း အစီရင်ခံစာက ဆိုပါတယ်။

ဒေသတွင်းလက်ရှိငွေကြေးဖောင်းပွမှုအဆင့်ဟာ အလယ်အလတ်မှာ ရှိနေပြီး OECD နိုင်ငံတွေရဲ့ ပျမ်းမျှအောက် အဆင့်မှာ ဆက်လက်ရှိနေသင့်တယ်လို့လည်း ဖော်ပြထားပါတယ်။

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024