ပုသိမ်မြို့ အမှတ် ၅ ရပ်ကွက်ရုံးနား ဗုံးပေါက်ကွဲ
DVB
·
September 18, 2022
ဧရာဝတီတိုင်း၊ ပုသိမ်မြို့၊ အမှတ် ၅ ရပ်ကွက်ရုံးနားမှာ စက်တင်ဘာ ၁၇ ရက်နေ့ ည ၈ နာရီ ၁၅ မိနစ်လောက်က ဗုံးပေါက်ကွဲခဲ့တယ်လို့ ဒေသခံတွေက ပြောပါတယ်။
ရပ်ကွက်ရုံးနားက ဓမ္မာရုံးထောင့်မှာ ဗုံးပေါက်ကွဲခဲ့တာဖြစ်ပြီး ထိခိုက်ဒဏ်ရာရတာ မရှိဘူးလို့ ဆိုပါတယ်။
"အသံကတော့ ကျယ်တယ်၊ အနားကပ်နေလို့လည်းဖြစ်နိုင်တယ်။ ထိခိုက်တာ မရှိဘူးဆိုတာက လူနာတင်ကားလာတာ မတွေ့လို့ ပြောတာပါ။ ခုတော့ ရပ်ကွက်ထဲ ပိတ်စစ်နေတယ်'' လို့ ဒေသခံတဦးက ပြောပါတယ်။
ဗုံးပေါက်ကွဲပြီးနောက်ပိုင်း စစ်ကောင်စီတပ်သားတွေရောက်လာပြီး ရပ်ကွက်ထဲ ပိတ်ဆို့စစ်ဆေးခဲ့တယ်လို့ ဆိုပါတယ်။
ရပ်ကွက်ရုံးနား ဗုံးပေါက်ကွဲတာနဲ့ပတ်သက်ပြီး ဘယ်အဖွဲ့အစည်းက လုပ်တယ်ဆိုတာ မသိရသေးဘဲ စုံစမ်းနေဆဲဖြစ်တယ်လို့ ပုသိမ်မြို့ပြပြောက်ကျားတပ်ဖွဲ့ တာဝန်ရှိသူတဦးက ပြော တယ်။
