ပြည်သူ့အချစ်တော် သရုပ်ဆောင်မင်းသမီးတွေဖြစ်ကြတဲ့ ချစ်သုဝေ၊ ပိုင်ဖြိုးသုတို့က အစီအစဉ်တင်ဆက်သူတွေအနေနဲ့ ပါဝင်မယ့် ဆွေးနွေးပွဲတရပ် ကျင်းပသွားဖို့ ရှိနေပါ တယ်။

"No one is safe until everyone is safe - လူတိုင်း မလုံခြုံသေးသရွေ့ ဘယ်သူမှ မလုံခြုံ နိုင်ဘူး"ခေါင်းစဉ်နဲ့ ဒီဆွေးနွေးပွဲကိုတော့ ဇန်နဝါရီ ၁၅ ရက်၊ မနက်ဖြန်ည ၇ နာရီမှာ အွန် လိုင်းကတဆင့် ကျင်းပသွားမှာဖြစ်ပြီး အမျိုးသားကျန်းမာရေးကော်မတီ(NHC)နဲ့ ကိုဗစ်-၁၉ ကာကွယ်ထိန်းချုပ်ကုသရေးအဖွဲ့ (CTF) တို့မှ တိုင်းရင်းသားကျန်းမာရေးအဖွဲ့ ခေါင်းဆောင်တွေ၊ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနမှ ပြည်ထောင်စုဝန်ကြီး၊ ဒုတိယပြည်ထောင်စုဝန်ကြီးနဲ့ တာဝန်ရှိသူတွေ ပါဝင်ဆွေးနွေးသွားကြမယ်လို့ ထုတ် ပြန်ထားပါတယ်။

ဆွေးနွေးမယ့်ကြောင်းအရာတွေထဲမှာတော့ ကိုဗစ်-၁၉ ကာကွယ်ထိန်းချုပ်ကုသရေး အပါအဝင် စစ်ဘေးရှောင်ပြည်သူတွေအတွက် ကျန်းမာရေးစောင့်ရှောက်မှုနဲ့ အရေးပေါ် ကျန်းမာ ရေးစောင့်ရှောက်မှုဆိုင်ရာ ဆောင်ရွက်ချက်တွေ၊ လိုအပ်ချက်တွေကို ဆွေးနွေးသွားကြမယ်လို့ ဆိုပါတယ်။

မြန်မာနိုင်ငံမှာ စစ်ကောင်စီက မတရားအာဏာသိမ်းယူထားခဲ့တာ ၁၁ လကျော် ကြာမြင့် ခဲ့ပြီဖြစ်ကာ ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ စီးပွားရေး၊ လူမှုရေး၊ ပြည်သူ့ကျန်းမာရေးစောင့်ရှောက်မှုတွေမှာ အဘက်ဘက်က ကျဆင်းနေပါတယ်။

အမျိုးသားညီညွတ်ရေးအစိုးရ (NUG) က ထုတ်ပြန်တဲ့ ကိုဗစ်-၁၉ ရောဂါဖြစ်ပွားမှုဆိုင်ရာ စစ်တမ်းမှာတွေ့ရှိရတဲ့ အထောက်အထားတွေအရ ဆေးရုံမှာ စောင့်ရှောက်ကုသဖို့ လိုအပ်တဲ့ လူနာတွေ ဆေးရုံမတက်ရောက်နိုင်တာ၊ အွန်လိုင်းကသာ ကုသမှုခံယူနေကြရတာ၊ စစ်ကောင်စီက အမှန်တကယ် သေဆုံးနှုန်းကို မဖော်ပြနိုင်တာစတဲ့ အချက်တွေဟာ ထင်ရှားနေတာမို့ စစ်ကောင်စီဟာ ကိုဗစ်-၁၉ ကာကွယ်၊ ထိန်းချုပ်၊ ကုသမှု လုပ်ငန်းတွေမှာ မှားယွင်းညံ့ဖျင်းစွာ စီမံနေတယ်လို့ သုံးသပ်ထားပါတယ်။

ဒါ့အပြင် ကိုဗစ်-၁၉ တတိယလှိုင်းကာလမှာ သေဆုံးသူတွေရဲ့ ၇၃ ရာခိုင်နှုန်းက လိုအပ်တဲ့ ဆေးရုံတွေမှာ တက်ရောက်ကုသခွင့်မရဘဲ နေအိမ်တွေမှာ သေဆုံးခဲ့ကြတယ်လို့ ဖော်ပြပါတယ်။