မကွေးမြို့တွင် တနေ့တည်း ကိုဗစ်-၁၉ အတည်ပြုလူနာ ၁၃ ဦးသေဆုံး

မကွေးမြို့မှာ သြဂုတ်လ ၁ ရက်နေ့က ကိုဗစ်-၁၉ အတည်ပြုလူနာ ၁၃ ယောက် သေဆုံးခဲ့တယ်လို့ ပရဟိတအဖွဲ့တွေဆီကနေ သိရပါတယ်။

သေဆုံးခဲ့တဲ့သူတွေကတော့ မကွေးတိုင်းဆေးရုံကြီးမှာ ကုသမှုခံယူနေသူ ၅ ယောက်၊ ကန်သာရပ်ကွက်က ၂ ယောက်၊ မြင်သာရပ်ကွက်က ၂ ယောက်၊ မြို့ဟောင်းရပ်ကွက်၊ အောင်မေတ္တာရပ်ကွက်၊ မြို့မရပ်ကွက်နဲ့ ရွှေညောင်ရပ်ကွက် ရပ်ကွက်တွေမှာ တစ်ယောက်စီ သေဆုံးခဲ့တာလို့ ပရဟိတ အဖွဲ့ဝင်တစ်ယောက်က ပြောပါတယ်။

အဲဒီ သေဆုံးတဲ့သူအများစုဟာ အောက်ဆီဂျင်အခက်အခဲဖြစ်လို့ သေဆုံးတာဖြစ်ပြီး ဆေးရုံတွေမှာလည်း အောက်ဆီဂျင်လုံလောက်မှု မရှိတာကြောင့် လူမှုရေးအသင်းအဖွဲ့တွေက အောက်ဆီဂျင်စက်ရုံ တည်ဆောက်နိုင်ရေး ကြိုးပမ်းဆောင်ရွက်နေကြတယ်လို့ ဆိုပါတယ်။

မကွေးမြို့က ပြည်သူတွေ အားကိုးအားထားပြုတွေရတဲ့ လူမှုကူညီရေးပရဟိတအဖွဲ့ ၂ ဖွဲ့ကလည်း ကိုဗစ်ရောဂါကူးစက်ခံထားရသူ ၁၃ ယောက် ရှိတာကြောင့် ကူညီမှုလမ်းကြောင်းတချို့ ရပ်နားထားရတယ်လို့ သိရပါတယ်။

မကွေးတိုင်းဒေသကြီးအတွင်းမှာ ကိုဗစ်-၁၉ အတည်ပြုလူနာ ၅၉၁ နဲ့ သေဆုံးတဲ့သူ ၂၉ ယောက်ရှိပြီလို့ ကျန်းမရေးဌာနက သြဂုတ်လ ၁ ရက်နေ့မှာ ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up