မွန်ပြည်နယ်မှာ ကိုဗစ်-၁၉ အတည်ပြုလူနာ ၁ ဦး ထပ်မံ သေဆုံး
DVB
·
June 14, 2021
မွန်ပြည်နယ်၊ မော်လမြိုင်က ကိုဗစ်-၁၉ အတည်ပြုလူနာ တစ်ဦး ဇွန်လ ၁၄ ရက် မနက်ပိုင်းမှာ သေဆုံးသွားခဲ့တယ်လို့ ကိုဗစ်အရေး ကူညီဆောင်ရွက်နေသူက ဒီဗွီဘီကို ပြောပါတယ်။
သေဆုံးသွားတဲ့ ကိုဗစ်အတည်ပြုလူနာဟာ မော်လမြိုင်မြို့နေ အသက် ၆၁ နှစ်အရွယ် အမျိုးသား တစ်ဦး ဖြစ်ပြီး၊ မော်လမြိုင်ဆေးရုံမှာ တက်ရောက်ကုသနေစဉ် သေဆုံးသွားခဲ့တာပါ။
ပြီးခဲ့တဲ့ ဇွန် ၁၀ ရက်ကလည်း ချောင်းဆုံမြို့နယ် ရွာလွတ်ကျေးရွာက အသက် ၆၉ နှစ်အရွယ် ကိုဗစ် အတည်ပြုလူနာ အမျိုးသား ၁ ဦး သေဆုံးခဲ့ပါတယ်။
မွန်ပြည်နယ်မှာတော့ ဇွန်လ ၁၄ ရက်အထိ ကိုဗစ်အတည်ပြုလူနာ အယောက် ၂၀ ကျော်ရှိလာပြီး ၊ သူတို့ အားလုံးကို အရပ်ဘက်ဆေးရုံသို့ ပြန်ပြောင်းကုသပေးဖို့ စီစဉ်နေပါတယ်။
