ဖမ်းဆီးခံ Voice of Myanmar သတင်းဌာနအယ်ဒီတာချုပ်နှင့် သတင်းထောက်ကို ရုံးထုတ်

မန္တလေးအခြေစိုက် သတင်းဌာနဖြစ်တဲ့ Voice of Myanmar ရဲ့ အယ်ဒီတာချုပ် ကိုနေမျိုးလင်းနဲ့ သတင်းထောက် ကိုရှိုင်းအောင်တို့ကို မေလ ၁၂ ရက်နေ့က ပုဒ်မ ၅၀၅ (က) နဲ့ ရုံးထုတ်ပါတယ်။

ကိုနေမျိုးလင်းတို့ကို မေးမြန်းစရာရှိတယ်ဆိုပြီး ဧပြီ ၂၇ ရက် မနက်ပိုင်းက နန်းတွင်းထဲကို လာဖို့ခေါ်ယူရာကနေ ဖမ်းဆီးခံလိုက်ရတာဖြစ်ပါတယ်။

“ကိုနေမျိုးလင်းတို့ကို ဒီနေ့ ၅၀၅/က နဲ့ ရုံးထုတ် ရမန်ယူပါတယ်။ ရဲစခန်းသွားတော့ ချမ်းမြသာစည်မြို့နယ်တရားရုံးမှာ ရုံးထုတ်တယ်ပြောပြီး တရားရုံးမေးတော့ အထူးတရားရုံးမှာ ထုတ်တယ်ပြောတယ်။ မတွေ့လိုက်ရဘူး”လို့ ကိုနေမျိုးလင်းရဲ့ ဇနီးက ပြောပါတယ်။

Voice of Myanmar သတင်းဌာနရဲ့ အယ်ဒီတာချုပ် ကိုနေမျိုးလင်းနဲ့ သတင်းထောက် ရှိုင်းအောင်တို့ကို ဖမ်းဆီးသွားတဲ့နေ့ကတည်းက မိသားစုတွေနဲ့ မတွေ့ရသေးဘူးလို့ သိရပါတယ်။

ကိုနေမျိုးလင်းဟာ ၂၀၂၀ မတ်လကလည်း  AA ရခိုင်လက်နက်ကိုင်အဖွဲ့ကို ဆက်သွယ်မေးမြန်းထားတဲ့ သတင်းဖော်ပြခဲ့တာကြောင့် အကြမ်းဖက်တိုက်ဖျက်ရေးပုဒ်မနဲ့ ဖမ်းဆီးခံခဲ့ရပြီး အမှုမမြောက်ဆိုကာ တရားရုံးက ဆုံးဖြတ်တာကြောင့် လွတ်မြောက်လာခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up