Live
Home
အနုပညာ
အဆိုတော်ဟန်နေတာ အပါအဝင် အယောက် ၂၀ ကို ရာဇသတ်ကြီး ပုဒ်မ ၅၀၅ (က) ဖြင့်ထပ်မံအမှုဖွင့်
DVB
·
April 20, 2021

အဆိုတော် ဟန်နေတာနဲ့ တက်ကြွလှုပ်ရှား Generation Wave ဥက္ကဋ္ဌ ကိုမိုဃ်းသွေးအပါအဝင် နောက်ထပ် လူပုဂ္ဂိုလ် အယောက် ၂၀ ကို ရာဇသတ်ကြီး ပုဒ်မ ၅၀၅ (က) နဲ့ အမှုဖွင့်အရေးယူ ဆောင်ရွက်နေတယ်လို့ အာဏာသိမ်း စစ်တပ်ရဲ့မီဒီယာက ဧပြီ ၂၀  ရက်မှာ ကြေညာပါတယ်။

အမှုဖွင့်ခံထားရသူတွေအထဲမှာ နှင်းပွင့်ဖြူ၊ ဟန်နေတာ၊  အောင်ကိုငြိမ်း ( J Fire) ၊ မင်းအောင်ခိုင် (ခ) အောင်ခိုင်ဆွေ၊ သူရသက်တင်၊ နီလာစိန်၊ သိန်းဇော်၊ ရွှေရည်ဦး၊ ဇွဲလှိုင်မှီ၊ သက်ပိုင်၊ ဝင့်ဝါထွန်း၊ စိုင်းလောင်လျန်းပန်၊ မိုးတိမ်၊ အောင်ကျော်မိုး၊ ဟန်စိုး၊ ဟိန်းရာဇာထွန်း၊ နီလာဝင်း၊ ကိုဂျွန်၊ ခင်ဇော်နဲ့ မိုဃ်းသွေး ပါဝင်ပါတယ်။

အဆိုပါ ပုဂ္ဂိုလ်တွေဟာ နိုင်ငံ့ဝန်ထမ်းတွေကို CDM လှုပ်ရှားမှုမှာ ပါဝင်စေဖို့ လှုံ့ဆော်တာ၊ CRPHကိုထောက်ခံတာ၊ နိုင်ငံတော်တည်ငြိမ်အေးချမ်းမှုကို ပျက်ပြားစေပြီး ဆူပူအုံကြွမှုဖြစ်ပေါ်စေဖို့  အများပြည်သူအထိတ်တလန့်ဖြစ်စေဖို့ သွေးထိုးလှုံ့ဆော်တာတွေကို လူမှုကွန်ရက် စာမျက်နှာမှာ  ဖော်ပြ ဖြန့်ဝေခဲ့တယ်လို့ စွပ်စွဲဖော်ပြထားပါတယ်။

အလားတူ ထင်ရှားတဲ့ အကယ်ဒမီ ရုပ်ရှင်သရုပ်ဆောင်တွေ၊ အဆိုတော်တွေ၊ ရုပ်ရှင်ဒါရိုက်တာတွေ၊ မော်ဒယ်တွေ အနုပညာရှင်တွေနဲ့ အွန်လိုင်းမှာလူသိများသူတွေ အပါအဝင် ဒီကနေ့အထိ ပုဒ်မ ၅၀၅ (က) နဲ့ အမှုဖွင့်အရေးယူခံထားရသူပေါင်း အယောက် ၂၀၀ ကျော် ရှိသွားပြီဖြစ်ပါတယ်။

Photo Credit- Hannaytarr FB

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024