မြဝတီမြို့ ရဲစခန်းက အချုပ်သား ၈ ဦး ကိုဗစ်ပိုးတွေ့ရှိ

ကရင်ပြည်နယ် မြဝတီမြို့ရဲစခန်းက ပြစ်မှုကျူးလွန်သူတွေထားတဲ့ အချုပ်ခန်းက အချုပ်သား ၈ ဦးမှာ ဒီဇင်ဘာ ၁၉ ရက်နေ့က ကိုဗစ်-၁၉ ရောဂါပိုး တွေ့ရှိတယ်လို့ ရဲစခန်းက သိရပါတယ်။ မြန်မာ-ထိုင်းနယ်စပ် မြဝတီမြို့မရဲစခန်းမှာ ပြစ်မှုကျူးလွန်သူအချုပ်ခန်းမှာ ၂၀၀ ကျော်ရှိတယ်လို့ သိရပါတယ်။ ဒီဇင်ဘာ ၁၁ ရက်နေ့ မြဝတီမြို့မရဲစခန်းက ရဲတပ်သား နှစ်ဦး ကိုဗစ်ပိုးပိုးတွေ့ရှိနောက်ပိုင်း ရဲစခန်းတွင်း ရဲသားနဲ့ အချုပ်သားတွေကို ကိုဗစ်ပိုးရှိမရှိ စစ်ဆေးနေတာဖြစ်ပြီး ဒီဇင်ဘာလ ၁၉ ရက်နေ့မှာ အချုပ်သား ၈ ဦး ကိုဗစ် ပိုးတွေ့ရှိခဲ့တာပါ။  ကျန်အချုပ်သားတွေကိုလည်း ဆက်လက်စစ်ဆေးနေပြီး ရဲစခန်း၊ အချုပ်ခန်းနဲ့ မိသားစု အိမ်ရာတွေကို ပိုးသတ်ဆေးဖျန်းခဲ့တယ်လို့ သိရပါတယ်။ မြဝတီမြို့မှာ ဒီဇင်ဘာ ၁၈ ရက်နေ့အထိ  ကိုဗစ်-၁၉ အတည်ပြုလူနာ ၃၃၄ ဦးနဲ့ သေဆုံးသူ ၁ ဦး ရှိပြီး  ကရင်ပြည်နယ်တခုလုံးမှာတော့ အတည်ပြုလူနာ ၁၁၈၀ ကျော်နဲ့ သေဆုံးသူ ၁၃ ဦး ရှိပြီလို့ ပြည်နယ်ကျန်းမာရေးဦးစီးဌာနရဲ့ ထုတ်ပြန်ချက်အရ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up