ကနီမြို့နယ်တွင် လေပြင်းတိုက်ခတ်၊ လူနေအိမ် ၁၀၀၀ ခန့် ပျက်စီး
Aung Ko Latt
·
May 14, 2019
စစ်ကိုင်းတိုင်း၊ ကနီမြို့နယ်မှာ မေလ ၁၃ ရက် ညနေ ၅ နာရီလောက်က မိုးသက်လေပြင်းတွေ တိုက်ခတ်ခဲ့တာကြောင့် ကျေးရွာ ၂၀ ကျော်က လူနေအိမ်ခြေ ၁၀၀၀ ဝန်းကျင် ပျက်စီးသွားပါတယ်။
ဒါ့အပြင် သာသနိက အဆောက်အဦတွေ၊ စေတီတချို့နဲ့ စာသင်ကျောင်းတချို့လည်း ထိခိုက်ပျက်စီးသွားပါတယ်။
ကနီမြို့နယ် ချင်းတွင်းမြစ်ထဲမှာလည်း မော်တော် ၃ စီး နစ်မြုပ်ခဲ့ပြီး လူအသေအပျောက်တော့ မရှိဘူးလို့ ကနဦး သိရပါတယ်။
လက်ရှိမှာ ဒေသအာဏာပိုင်တွေက အပျက်အစီးစာရင်း ကောက်ယူနေဆဲဖြစ်ပြီး ဒေသခံ လွှတ်တော်ကိုယ်စားလှယ်ကလည်း နယ်မြေကွင်းဆင်း စစ်ဆေးနေပါတယ်။
သက်ဆိုင်ရာမီးသတ်နဲ့ ရဲတပ်ဖွဲ့ဝင်တွေကလည်း အပျက်အစီးတွေကို ရှင်းလင်း လုပ်ဆောင်နေသလို လူကယ်ပြန်ဌာနကလည်း ပျက်စီးမှုတွေအတွက် ငွေကြေးထောက်ပံ့ပေးနိုင်ဖို့ စီစဉ်နေပါတယ်။
