စစ်ကိုင်းတိုင်း ကလေးမြို့ စမ်းမြို့ရပ်ကွက်မှာရှိတဲ့ ယာဉ်ထိန်းရဲကင်း ဧပြီ ၂၇ ရက် မနက်ပိုင်းက ဗုံးဖောက်ခွဲခံရတယ်လို့ ဒေသခံတွေက ပြောပါတယ်။
“မနေ့မနက် ၈ နာရီလောက်မှာ ကလေးမြို့ စမ်းမြို့ရပ်ကွက်မှာရှိတဲ့ ယာဉ်ထိန်းရဲကင်း ဗုံးပေါက်ကွဲတယ်။ ယာဉ်ထိန်းရဲတော့ ထိခိုက်တာ မတွေ့ရဘူး။ အဆောက်အဦကတော့ ပျက်စီးသွားတယ်” လို့ ဒေသခံတဦးက ပြောပါတယ်။
ကလေးမြို့ ယာဉ်ထိန်းရဲကင်း ဗုံးဖောက်ခွဲမှုကို ဘယ်အဖွဲ့အစည်းက လုပ်ဆောင်တယ်ဆိုတာ ထုတ်ပြန်ထားတာ မရှိသေးပါဘူး။
