ဧရာဝတီတိုင်း၊ ပုသိမ်မြို့၊ အမှတ် ၂ ရပ်ကွက် ငဝန်ကျွန်းသာ ၄ လမ်းမှာ ဖေဖော်ဝါရီ ၂၆ ရက် ဒီနေ့ မနက် ၁၀ နာရီ ၁၅ မိနစ်လောက်က မီးလောင်မှုဖြစ်ပွားခဲ့ပါတယ်။
လမ်းအလယ်လောက်မှာရှိတဲ့ အိမ်ဆိုင်ကနေ မီးစတင်လောင်ကျွမ်းခဲ့တာဖြစ်ပြီး ဘေးအိမ်ကို မီးကူးစက်နေချိန်မှာ မီးသတ်ကားတွေရောက်လာခဲ့လို့ တခြားနေအိမ်တွေကို မီးကူးစက်လောင်ကျွမ်းတာ မရှိခဲ့ဖူးလို့ ဒေသခံတွေက ပြောပါတယ်။
“မီးသတ်ကားလာတာမြန်လို့ စလောင်တဲ့အိမ်က ဆိုင်ဖွင့်ထားတာ ကော်ပစ္စည်းတွေရော အထည်တွေ၊ ကုန်ခြောက်တွေစုနေတော့ လောင်အားကောင်းသွားတာ။ မီးသတ်ကား ၅ စီးလောက်လာပြီး ငြှိမ်းလို့ ထိန်းလိုက်နိုင်တာ၊ ကံကောင်းတာက တိုက် ၂ လုံးကြားမှာ လောင်တာလဲပါတယ်”လို့ ဒေသခံတဦးက ပြောပါတယ်။
မီးစတင်လောက်ကျွမ်းချိန်မှာ အနောက်ဘက်လမ်းကို မီးကူးတော့မယ့် ပုံစံဖြစ်ပေမဲ့ လူအားနဲ့ မီးသတ်ကားတွေ ဝိုင်းဝန်း မီးငြှိမ်းသတ်တာကြောင့် နေအိမ် ၁ လုံးသာ ဆုံးရှုံးခဲ့ပြီး လူတွေလည်း သေဆုံးဒဏ်ရာရတာမျိုးတော့ မရှိခဲ့ဘူးလို့ ဆိုပါတယ်။
မီးလောင်မှုနဲ့ပတ်သက်ပြီး စတင်လောင်ကျွမ်းရတဲ့အကြောင်းရင်းနဲ့ ဆုံးရှုံးမှုတန်ဖိုးကိုတော့ တွက်ချက်နေတုန်းလို့ မီးသတ်တပ်ဖွဲ့ထံက သိရပါတယ်။
