မန္တလေး- မြင်းမူ-မုံရွာလမ်း ဖြတ်သန်းသွားလာခွင့် Black Eagle အဖွဲ့က ယာယီပိတ်

မန္တလေး-မြင်းမူလမ်းကို နိုဝင်ဘာ ၂၉ ရက်နေ့ မွန်းတည့် ၁၂ နာရီလောက်ကစပြီး ဖြတ်သန်းသွားလာခွင့် ယာယီပိတ်လိုက်ပြီလို့ Black Eagle ဒေသခံကာကွယ်ရေးတပ်ဖွဲ့က ထုတ်ပြန်ခဲ့ပါတယ်။

မုံရွာဒေသခံကာကွယ်ရေးတပ်ဖွဲ့အနေနဲ့ မန္တလေး-မြင်းမူ-မုံရွာလမ်းပိုင်းတို့ကို ယာယီခေတ္တ ပိတ်ထားဦးမယ်လို့ မုံရွာ PDF အဖွဲ့ တာဝန်ရှိသူ ရဲဘော်ဂျွန်က ပြောပါတယ်။

“လတ်တလော မန္တလေး-မြင်းမူလမ်းကတော့ ပိတ်ထားရမယ်။ ဟိုဘက်က ဆင်းလာတဲ့ စစ်ကားတွေကို မိုင်းဆွဲတဲ့အခါမှာ ပြည်သူတွေ ထိခိုက်မှုတွေ ရှိတယ်။ ဒီတခါ မိုင်းဆွဲတဲ့ ကိစ္စတွေမှာ ပြည်သူ မထိခိုက်ရေးအတွက် ပိတ်ထားတယ်။” 

လတ်တလောအနေအထားအရ ဒေသခံကာကွယ်ရေးတပ်ဖွဲ့အနေနဲ့ ပြည်သူတွေရဲ့ လုံခြုံရေးကို ရှေးရှုပြီး လမ်းကို ခေတ္တခဏယာယီပိတ်သွားမှာဖြစ်ပြီး အခြေအနေတည်ငြိမ်သွားရင်တော့ ပြန်လည်ဖြတ်သန်းသွားလာခွင့်ပြုမယ်လို့ ရဲဘော်ဂျွန်က ပြောပါတယ်။

အခုလို လမ်းပိတ်တဲ့အတွက် မုံရွာ-မန္တလေးကားလမ်းကို သုံးပြီး ကုန်စည်ပို့ရတာ အခက်အခဲရှိတယ်လို့  မုံရွာ-မန္တလေး ပြေးဆွဲနေတဲ့ ကားဆရာတစ်ဦးက ပြောပါတယ်။

မန္တလေး-မြင်းမူ-မုံရွာလမ်းပိုင်း၊ မန္တလေး-အရာတော်-မုံရွာလမ်းပိုင်း၊  မန္တလေး-ရွှေဘို- မုံရွာလမ်းပိုင်း၊  ပခုက္ကူ-ချောင်းဦး-မုံရွာလမ်းပိုင်း စတဲ့လမ်းပိုင်းတွေကို နိုဝင်ဘာ ၂၈ ရက်ည ၇ နာရီ ၁၅ မိနစ်ကစပြီး ဖြတ်သန်းသွားလာတာ လုံးဝမပြုလုပ်ဖို့နဲ့ လမ်းပိုင်း အသုံးပြုလို့ရမယ် အချိန်နဲ့ နေ့ရက်တွေကို ထပ်မံအသိပေးသွားမယ်လို့ ချောက်ဦး PDF နဲ့ မုံရွာ PDF အဖွဲ့က အသိပေးချက် ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up