သထုံမြို့နယ်၌ တိုက်ပွဲဖြစ်၊ စစ်ကောင်စီ တပ်သား ၁၄ ဦးသေ၊ ၉ ဦးဒဏ်ရာရ

မွန်ပြည်နယ်၊ သထုံမြို့နယ်မှာ စစ်ကောင်စီတပ်နဲ့ ကရင်အမျိုးသားလွတ်မြောက်ရေး တပ်မတော်(KNLA) အကြား  တရက်အတွင်း ပစ်ခတ်မှု ၅ ကြိမ်ဖြစ်ပွားခဲ့ပြီး စစ်ကောင်စီတပ်ဘက်က  ၁၄ ဦး သေဆုံးကာ  ၉ ဦး ဒဏ်ရာရရှိခဲ့တယ်လို့ ကရင်အမျိုးသားအစည်းအရုံးက ထုတ်ပြန်ပါတယ်။

ကေအန်ယူ  သထုံခရုင်အတွင်း ကရင်အမျိုးသားလွတ်မြောက်ရေးတပ်မတော်နဲ့ စစ်ကောင်စီ စကခ ၈ လက်အောက်ခံ ခမရ (၄၀၆) BGF ၁၀၁၃ တပ်ခွဲ ၂ ပူးပေါင်းတပ်ဖွဲ့တို့အကြား အောက်ဘာ ၂၄ ရက်နေ့က ထိတွေ့ပစ်ခတ်မှု ၅ ကြိမ် ဖြစ်ပွားခဲ့တာပါ။

ဘီးလင်းမြို့နယ် ဝင်းတာပန်ကျေးရွာမှာ စခန်းချထားတဲ့ စစ်ကောင်စီနဲ့ BGF ပူးပေါင်းစခန်းမှ တပ်ပြောင်းပြီး ပြန်လာတဲ့ တပ်ဖွဲ့ကို  ကြားဖြတ်ပတ်ခတ်ခဲ့တာ လို့ ဆိုပါတယ်။

တိုက်ပွဲမှာ စစ်ကောင်စီဘက်က ထိခိုက်သေဆုံးတဲ့အတွက် ည ၉ နာရီလောက်မှာ  ထုံးဘိုလေးကျေးရွာ ဘုန်းတော်ကြီးကျောင်းမှာ အတွင်းတပ်ဆွဲထားတဲ့ တပ်မ ၂၂ လောက်အောက်ခံ ခမရ ၂၀၁ မှ လက်နက်ကြီးတွေနဲ့ ပစ်ခတ်ခဲ့လို့ လက်နက်ကြီးကျည်ကျရောက် ပေါက်ကွဲခဲ့ရာမှာ ထုံးဘိုကြီးကျေးရွာ ရွာလယ်ပိုင်းက နေအိမ်တလုံး ထိခိုက်ပျက်စီးသွားတယ်လို့ သိရပါတယ်။ 

ကေအန်ယူ-သထုံခရိုင်၊ တပ်မဟာ (၁)အတွင်း အာဏာသိမ်းစစ်ကောင်စီတပ်တွေရဲ့ စစ်ရေးလုပ်ရှားမှုနဲ့ လူ့အခွင့်ရေးချိုးဖေါက်မှုတွေကြောင့် ကရင်အမျိုးသားကာကွယ်ရေး တပ်မတော်(KNLA) နဲ့ စစ်ကောင်စီတပ်တွေ ရက် ၂၀ အတွင်း တိုက်ပွဲပေါင်း ၃၀  ကျော် ဖြစ်ပွားခဲ့တယ်လို့  ကေအန်ယူသတင်းနဲ့ ပြန်ကြားရေးဌာနက ထုတ်ပြန်ထားပါတယ်။  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up