စစ်ကိုင်းတိုင်း ယင်းမာပင်ခရိုင် ပုလဲမြို့နယ်ထဲမှာရှိတဲ့ မိုင်တဲလ် တာဝါတိုင်စက် ၁ ခု စက်တင်ဘာ ၉ ရက် ညပိုင်းက ​နောက်ထပ်မိုင်းခွဲဖျက်ဆီးခံရတယ်လို့ သိရပါတယ်။

"မ​နေ့ည ၁၀ နာရီ​ဝန်းကျင်လောက်က ပုပ္ပါ​ကျေးရွာအ​နီးမှာရှိတဲ့ မိုင်တဲလ်တာဝါတိုင်စက်​​ ​နောက်ထပ် ၁ ခု မိုင်းခွဲဖျက်ဆီးခံလိုက်ရတယ်” လို့ ဒေသခံတစ်ဦးက ပြောပါတယ်။

ပုလဲမြို့နယ်အတွင်းမှာ မိုင်တဲလ်တာဝါတိုင်​တွေ ​​နေ့စဥ်ရက်ဆက်ဆိုသလို ​ဖျက်ဆီးခံ​နေရတာဖြစ်ပြီး စက်တင်ဘာ ၇ ရက်ညက ၄ တိုင်၊ စက်တင်ဘာ ၈ ရက်ညက ၁ တိုင်နဲ့ မ​နေ့ညက ၁ တိုင် စုစု​ပေါင်း မိုင်တဲလ်တာဝါတိုင် ၆ တိုင် ဖျက်ဆီးခံရပြီးဖြစ်ပါတယ်။