စစ်ကိုင်းတိုင်း ယင်းမာပင်ခရိုင် ပုလဲမြို့နယ်အတွင်းမှာရှိတဲ့ MyTel တာဝါတိုင်စက် ၁ ခု စက်တင်ဘာ ၈ ရက် ညပိုင်းက ထပ်မံ မိုင်းခွဲဖျက်ဆီးခံရတယ်လို့ သိရပါတယ်။

"မ​နေ့ည ၁၂ နာရီ​ဝန်းကျင်လောက်က မင်းမအ​နောက်ရွာ အ​နီးမှာရှိတဲ့ MyTel  တာဝါတိုင်စက်​​ မိုင်းခွဲဖျက်ဆီးခံလိုက်ရတာဖြစ်ပြီး ဘယ်အဖွဲ့က လုပ်​ဆောင်တယ်ဆိုတာက​တော့ ​သေချာမသိရ​သေးဘူး" ​လို့ ဒေသခံတစ်ဦးက ပြောပါတယ်။

လတ်တ​​လောမှာ မြန်မာတစ်နိုင်ငံလုံးက ​နေရာ​တော်​တော်များများမှာ MyTel တာဝါတိုင်​တွေ ဖျက်ဆီးခံရတာ  များလာ​နေသလို ပုလဲမြို့နယ်အတွင်းမှာကို စက်တင်ဘာ ၇ ရက်ညက ၄ တိုင်ဖျက်ဆီးခံခဲ့ရပြီး စက်တင်ဘာ ၈ ရက်ညကလည်း ​နောက်ထပ် ၁ တိုင် ထပ်မံဖျက်ဆီးခံရတာ​ကြောင့် ပုလဲမြို့နယ်တစ်မြို့နယ်တည်းတင် ၅ တိုင်​အထိ ဖျက်ဆီးခံခဲ့ရပြီး ဖြစ်ပါတယ်။