မကွေးမြို့နယ်ထဲမှာ ဇူလိုင် ၂၇ ရက် မနက်ပိုင်းက ကျေးလက်မြေပရဟိတအဖွဲ့က ဦးဆောင်ပြီးတော့ စားဝတ်နေရေးအခက်ခဲဖြစ်နေတဲ့ ပြည်သူတွေကို အခြေခံစားသောက်ကုန်တွေ ထောက်ပံပေးခဲ့ပါတယ်။
မကွေးမြို့နယ် ကြာကန်ကျေးရွာက စားဝတ်နေရေး အခက်တွေ့နေတဲ့ ပြည်သူတွေကို ပြည်တွင်းပြည်ပ အလှူရှင်တွေနဲ့ချိတ်ဆက်ပြီးတော့ ဒီနေ့ မနက်ပိုင်းမှာ ဆန် ၄ ပြည် ၊ ဆီ ၅၀ သားနဲ့ ကြက်ဥ ၅ လုံးစီထောက်ပံ့ပေးခဲ့တာလို့ ကျေးလက်မြေပရဟိတအဖွဲ့ ဦးဆောင်သူ ကိုဇော်မင်းထိုက်က ပြောပါတယ်။
အဖွဲ့အနေနဲ့ မကွေးမြို့နယ်ထဲမှာသာမက မကွေးတိုင်းအတွင်းက အခက်ခဲကြုံတဲ့နေရာတွေကို အလှူရှင်တွေနဲ့ ချိတ်ဆက်ပြီးတော့ စစ်အာဏာသိမ်းပြီးကတည်းက အခြေခံစားသောက်ကုန်တွေနဲ့ ငွေကြေးတွေ ထောက်ပံ့ပေးခဲ့တာဖြစ်ပါတယ်။
ကျေးလက်မြေပရဟိတအဖွဲ့ဟာ မကွေးမြို့နယ်ထဲက နွေရာသီ သောက်သုံးရေ အရရှိရေးအတွက်လည်း အလှူရှင်တွေနဲ့ချိတ်ဆက်ပြီးတော့ ရေတွင်းတူဖော်ပေးတာတွေ ၊သောက်သုံးရေ လှူဒါန်းတာတွေကို စဥ်ဆက်မပြတ် လုပ်ဆောင်ပေးခဲ့တယ်လို့ သိရပါတယ်။