DKBA စစ်ဦးစီးချုပ် စောမိုရှေး ကိုဗစ်-၁၉ ရောဂါဖြင့် ကွယ်လွန်

ဒီမိုကရေစီအကျိုးပြုကရင်တပ်မတော် DKBA စစ်ဦးချုပ် ဗိုလ်ချုပ်ကြီး စောမိုရှေးဟာ  ကိုဗစ်-၁၉ ရောဂါနဲ့ ဇူလိုင် ၂၁ ရက်  ဒီနေ့ ညနေပိုင်းက ကွယ်လွန်သွားပါတယ်။ 

စစ်ဦးချုပ် စောမိုရှေးဟာ ကိုဗစ်-၁၉ ရောဂါကူးစက်ခံရပြီးနောက် ရန်ကုန် မင်္ဂလာဒုံ စစ်ဆေးရုံမှာ ဆေးကုသမှုခံယူနေတာဖြစ်ပြီး ဇူလိုင် ၂၁ ရက်နေ့ ညနေ ၄ နာရီ ၄၃ မိနစ် အချိန်လောက်က ကွယ်လွန်သွားတာဖြစ်ပါတယ်။

စောမိုရှေးဟာ ကွယ်လွန်ချိန်မှာ အသက် ၅၃ နှစ်ရှိပြီဖြစ်ပါတယ်။  စစ်ဦးစီးချုပ် စောမိုရှေးရဲ့ အလောင်းကိုတော့ DKBA စစ်ဌာနချုပ်ကို သယ်ဆောင်ဖို့   ဌာနဆိုင်ရာတွေနဲ့ ဆွေးနွေးနေတယ်လို့ သိရပါတယ်။

DKBA အဖွဲ့ဟာ ကရင်အမျိုးသားအစည်းအရုံး (ကေအန်ယူ) ကနေ ၁၉၉၄ ခုနှစ်မှာစတင် ခွဲထွက်ခဲ့ပြီး မြန်မာ-ထိုင်းနယ်စပ်၊ ကရင်ပြည်နယ်၊ မြဝတီမြို့နယ်မှာ  အခြေစိုက်လှုပ်ရှားနေတဲ့ ကရင်လက်နက်ကိုင်အဖွဲ့ ဖြစ်ပါတယ်။

(အမှားပြင်ဆင်ချက် - မူလသတင်းတွင် သေဆုံးချိန် မွန်းလွဲ ၂ နာရီခန့်ဟု ဖော်ပြထားသည့်အစား ညနေ ၄ နာရီ ၄၃ မိနစ်ဟု ပြင်ဆင်ထားပါသည်။)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up