မွန်ပြည်နယ်တွင် ကိုဗစ်-၁၉ အတည်ပြုလူနာ ၁ ဦး ထပ်မံ သေဆုံး
DVB
·
July 2, 2021
မွန်ပြည်နယ်၊ မော်လမြိုင်မြို့မှာ ကိုဗစ်-၁၉ အတည်ပြု လူနာ အမျိုးသမီး ၁ ဦး ဇူလိုင် ၁ ရက် ညပိုင်းမှာ ထပ်မံ သေဆုံးသွားခဲ့တယ်လို့ ကိုဗစ်အရေး ကူညီဆောင်ရွက်နေသူတစ်ဦးက ဒီဗွီဘီကို ပြောပါတယ်။
သေဆုံးသွားတဲ့ ကိုဗစ်အတည်ပြု လူနာဟာ မော်လမြိုင် ကျွဲခြံကုန်းရပ်နေ အသက် ၄၈ နှစ်အရွယ် အမျိုးသမီးတဉီးဖြစ်ပြီး မော်လမြိုင်ဆေးရုံမှာ တက်ရာက်ကုသစဉ် သေဆုံးခဲ့တာပါ။
မွန်ပြည်နယ်မှာ ဇွန်လ နောက်ဆုံးအပတ်ကစပြီး ကိုဗစ်အတည်ပြုလူနာတွေ နေ့စဉ်နဲ့အမျှ သေဆုံးနေတာ ဖြစ်ပြီး ဇူလိုင် ၂ ရက်နေ့ထိ ကိုဗစ်အတည်ပြုလူနာ ၁၀ ဦး သေဆုံးထားပါတယ်။
သေဆုံးသွားတဲ့ ကိုဗစ်အတည်ပြုလူနာ အများစုဟာ ပင်ကိုယ်ရောဂါအခံတွေ ဖြစ်တဲ့ ဆီးချို၊ သွေးတိုရောဂါ အခံရှိသူ အများဆုံး ပါဝင်နေတာပါ။
မွန်ပြည်နယ်မှာတော့ ဇူလိုင် ၂ ရက်နေ့ထိ ကိုဗစ်အတည်ပြုလူနာ ၅၀၀ ကျော်ထိ ရှိလာခဲ့တာ ဖြစ်ပြီး အဲဒီထဲမှာ ၁၀ ဦး သေဆုံးထားပြီး ဖြစ်ပါတယ်။
