ပြည်ပထွက်ခွာမည့် လေကြောင်းခရီးသည်အားလုံး အနည်းဆုံး ၁၀ ရက် ကြိုတင်စာရင်းပေးရမည်

မြန်မာနိုင်ငံသားတွေနဲ့ နိုင်ငံခြားသားတွေအပါအဝင်  အပြည်ပြည်ဆိုင်ရာလေကြောင်းခရီးသည် အားလုံး လေယာဉ်မစီးခင် လက်မှတ်တွေကို အနည်းဆုံး ၁၀ ရက်  ကြိုတင်စာရင်းပေးထားကြဖို့ စစ်ကောင်စီက ကြေညာထားတယ်လို့ မြန်မာနိုင်ငံဆိုင်ရာ အမေရိကန်သံရုံးက ကြေညာထားပါတယ်။

လေကြောင်းလိုင်းတွေနဲ့ ခရီးစဉ်အေးဂျင့်တွေလည်း ဒီစည်းမျဉ်းအသစ်ကို စတင်လိုက်နာကျင့်သုံးနေပြီလို့ ဆိုပါတယ်။

ဒါ့အပြင် မနက်ဖန် မေလ ၂၉ ရက် စနေနေ့ကစပြီး မြန်မာနိုင်ငံအပါအဝင် ကိုဗစ်-၁၉ အန္တရာယ်ကြီးတဲ့ နိုင်ငံတွေကနေ စင်ကာပူနိုင်ငံကို တထောက်နားဖို့ ဝင်လာတဲ့ခရီးသည်တွေဟာ ၇၂ နာရီအတွင်း ကိုဗစ်-၁၉ စစ်ဆေးချက်ရလဒ် Negative အဖြေ ၂ ခါရရှိရမယ်လို့ စင်္ကာပူကျန်းမာရေးဝန်ကြီးဌာနက ထုတ်ပြန်ထားကြောင်းလည်း အမေရိကန်သံရုံးက အသိပေးထားပါတယ်။ 

ဒီသတင်းကို ရန်ကုန်ရှိ အမေရိကန်သံရုံးရဲ့ဝက်ဆိုက်မှာ ကြေညာချက်ထုတ်ပြန်ထားပြီး ဒီသတိပေးချက်ပါ အကြောင်းအရာတွေကို မြန်မာနိုင်ငံရောက် အမေရိကန်တွေ၊ အဖွဲ့အစည်းတွေနဲ့ အိမ်နီးချင်းနိုင်ငံတွေက နီးစပ်ရာအသိတွေကိုလည်း ဝေမျှကြဖို့လည်း လမ်းညွှန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up