မင်းသားဇဏ်ခီနှင့် ဒါရိုက်တာ ခရစ္စတီးနားခီတို့ကို ဆက်လက်စိစစ်ရန် နေအိမ်တွင်ထားရှိဟု စစ်ကောင်စီ သတင်းထုတ်

သရုပ်ဆောင်မင်းသား ဇဏ်ခီနဲ့ ဇနီးဖြစ်သူ ဒါရိုက်တာ  ခရစ္စတီးနားခီတို့ကို စစ်ဆေးဖို့  ရန်ကုန်လေဆိပ်မှာ ခေတ္တတားမြစ်ခဲ့ပြီး ဆက်လက်စိစစ်နိုင်ဖို့ နေအိမ်မှာ  ပြန်လည်နေထိုင်စေခဲ့ တယ်လို့ စစ်ကောင်စီရဲ့ မီဒီယာတွေကနေ ဒီကနေ့ ဧပြီ ၂၂ ည ၈ နာရီသတင်းမှာ ထုတ်လွှင့်သွားပါတယ်။

ပြီးခဲ့တဲ့ ဧပြီလ ၁၇ ရက်က  မင်္ဂလာဒုံလေဆိပ်မှာ MAI လေကြောင်း ခရီစဉ်အမှတ် 8M-335 နဲ့ရန်ကုန်လေဆိပ်မှ ထိုင်းနိုင်ငံ၊ သုဝဏ္ဏဘူမိလေဆိပ်သို့ လိုက်ပါမယ့်  မြန်မာပြည်ဖွား အမေရိကန်နိုင်ငံသား Mr.Alfred Soe Chan Kyi(ခ) ဇဏ်ခီ၊ ဇနီး ခင်ဝတ်မှုန်ဦး(ခ) ခရစ္စတီးနားခီ၊ သားဖြစ်သူ Mr.Noah Lynn Htet Kyi နဲ့ အိမ်အကူ မလဗျဂျာဆိုင်းနန်တို့ ၄ ဦးကို စိစစ်နိုင်ဖို့ သူတို့ လိုက်ပါမယ့်ခရီးစဉ်ကို  ခေတ္တတားမြစ်ထားရှိခဲ့တာလို့ဆိုပါတယ်။

သူတို့နဲ့ပတ်သက်ပြီး လိုအပ်သလို ဆက်လက်စိစစ်နိုင်ဖို့  ဧပြီလ ၁၇ ရက်နေ့မှာဘဲ သူ့မိသားစုနေထိုင်တဲ့ ရန်ကုန်တိုင်း၊ တောင်ဥက္ကလာပမြို့နယ်၊ အမှတ်(၆)ရပ်ကွက်ရှိ ကွန်ဒိုမှာ  ပြန်လည်နေထိုင်စေတယ်လို့  MRTV နဲ့ မြဝတီသတင်းမှာ ကြေညာ ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up