ဖမ်းဆီးခံရသူများ လွတ်မြောက်ရေးအတွက် ကံပေါက်ဒေသမှာ ဒီနေ့မနက် အပြာရောင်ဝတ်စုံ Blue Shirt ကမ်ပိန်း ပြုလုပ်ခဲ့ကြပါတယ်။
တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ် ကံပေါက်ဒေသမှာ စစ်အာဏာရှင်ကို ၇၃ ရက်မြောက်အဖြစ် သပိတ်စစ်ကြောင်းနဲ့ ဒီနေ့မနက် ဆန္ဒပြခဲ့ကြတာပါ။
ဆန္ဒပြသူ အင်အား ၁၀၀ လောက်ရှိပြီး ဖမ်းဆီးထိန်းသိမ်းခံထားရတဲ့ နိုင်ငံတော်သမ္မတနဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် နိုင်ငံရေးတက်ကြွလှုပ်ရှားသူတွေကို အမြန်ဆုံးပြန်လွှတ်ပေးဖို့ တောင်းဆိုခဲ့ကြပါတယ်။
ဒါ့အပြင် ဆန္ဒထုတ်ဖော်ကြတဲ့ ပြည်သူတွေက အသစ်ဖွဲ့စည်းလိုက်တဲ့အ မျိုးသားညီညွတ်ရေးအစိုးရအဖွဲ့ (NUG) ကိုလည်း ထောက်ခံကြိုဆိုခဲ့ကြပါတယ်။