အကြမ်းဖက်စစ်ကောင်စီ၏ ခမရ ၃၈၉ တပ်စခန်းကို ကေအိုင်အေသိမ်းပိုက်

ကချင်ပြည်နယ်၊ ဝိုင်းမော်မြို့နယ်ရှိ  အာဏာသိမ်းစစ်ကောင်စီရဲ့  ခမရ ၃၈၉ တပ်စခန်းကို သိမ်းပိုက်နိုင်ခဲ့တယ်လို့  ကချင်လွတ်မြောက်ရေးတပ်မတော် (ကေအိုင်အေ) ဘက်က အတည်ပြုပြောပါတယ်။

ဆဒုံးတိုက်နယ် လဂါတ်တောင်ကုန်းပေါ်ရှိ ခမရ ၃၈၉ တပ်စခန်းကို ကေအိုင်အေက ဧပြီ ၁၉ ရက်နေ့ နေ့လည်၁၂နာရီ လောက်မှာ တိုက်ခိုက်ချေမှုန်းခဲ့ပြီး ထိခိုက် ကျဆုံးမှု အခြေအနေကိုတော့ ကေအိုင်အေဘက်က မထုတ်ပြန်သေးပါဘူး။

မိုးမောက်မြို့နယ် စီဟက်ရွာဘက်မှာလည်း ဧပြီ ၁၉ ရက် ညနေ  ၅ နာရီလောက်ကနေ စတင်ပြီး  ကေအိုင်အေနဲ့ ခမရ ၃၂၀ စစ်ကောင်စီတပ်တွေ တောင်ကုန်းတောင်အောက် လက်နက်ကြီး ၊ လက်နက်ငယ်တွေနဲ့ အပြန်အလှန် တစ်နာရီလောက် ပစ်ခတ်ခဲ့ကြသလို အနီးကပ် တိုက်ခိုက်မှုတွေလည်း ရှိခဲ့တယ်လို့ ဒေသခံတွေရဲ့ ပြောပြချက်အရသိရပါတယ်။  

တိုက်ပွဲဖြစ်ပွားတဲ့ အနီးနားက ကျေးရွာတွေမှာတော့ ရွာသားတွေ စစ်ရှောင်နေကြပြီး လူသူ မရှိတော့ သလောက်ဖြစ်နေပါတယ်။

ကချင်ပြည်နယ်အတွင်း နေ့စဉ်တိုက်ပွဲတွေ အပြင်းအထန် ဖြစ်ပွား‌နေတဲ့  အခြေအနေကို အာဏာသိမ်း စစ်ကောင်စီရဲ့ မီဒီယာတွေမှာ ထုတ်လွှင့်ခြင်းမရှိဘဲ သတင်းအမှောင်ချထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up