မွန်ပြည်နယ် မြို့နယ်တချို့မှာ အာဏာသိမ်းအကြမ်းဖက်စစ်ကောင်စီတပ်ဖွဲ့တွေက   PSI စလောင်း‌တွေကို ဒီကနေ့ ဧပြီလ ၈ ရက်နေ့ ကစပြီး လိုက်လံသိမ်းဆည်းနေတယ်လို့ ဒေသခံတွေက ပြောပါတယ်။

ရဲနဲ့စစ်တပ်က ဒီနေ့မနက်ပိုင်းကတော့ ကျိုက်မရောမြို့နယ်က နေအိမ်တွေမှာ လိုက်လံသိမ်းဆည်းခဲ့တာဖြစ်ပြီး နေ့လယ်ပိုင်းမှာတော့ ပေါင်မြို့က အရောင်းဆိုင်တွေမှာ PSI စလောင်းနဲ့ စက်တွေကိုပါ သိမ်းဆည်းသွားခဲ့တာ ဖြစ်ပါတယ်။

မြန်မာနိုင်ငံမှာ ဖြစ်ပေါ်နေတဲ့ စစ်တပ်ရဲ့ မတရားမှု‌တွေကို ထုတ်လွှင့်နေတဲ့  DVB နဲ့ Mizzma ရုပ်သံလိုင်းတွေကို  PSI စလောင်း‌တွေမှာ ကြည့်ရှုနိုင်တဲ့အတွက်ကြောင့် အကြမ်းဖက်စစ်အုပ်စုက  သတင်းအမှောင်ချဖို့အတွက် လိုက်လံသိမ်းဆည်းနေတာပါ။

အာဏာသိမ်း အကြမ်းဖက် စစ်ကောင်စီဟာ  ပြည်သူတွေ သတင်းသိခွင့်မရအောင် သတင်းမီဒီယာတွေကို ထုတ်ဝေခွင့်ရပ်ဆိုင်းတာ၊ သတင်းသမားတွေကို ဖမ်းဆီးထောင်ချတာနဲ့  အင်တာနက်တွေကို  ဖြတ်တောက်တာတွေလည်း လုပ်ဆောင်နေပါတယ်။