မြန်မာနိုင်ငံထဲက ထိုင်းနိုင်ငံသားများကို ကယ်ထုတ်ရန် ထိုင်းလေတပ် ပြင်ဆင်ထား

မြန်မာနိုင်ငံမှာ အခြေအနေက အကြမ်းဖက်မှုအဆင့် ပိုမြင့်လာခဲ့ရင် မြန်မာပြည်ရောက်  ထိုင်းနိုင်ငံသားတွေကို ကယ်ထုတ်ဖို့ ထိုင်း လေတပ်က C-130 သယ်ယူပို့ဆောင်ရေး လေယာဉ်တွေကို ပြင်ဆင်ထားတယ်လို့ ထိုင်းအခြေစိုက် PBS သတင်းဌာနက မတ်လ ၃၁ ရက်မှာ သတင်းထုတ်ပါတယ်။ 

မြန်မာနိုင်ငံထဲက အကြမ်းဖက်မှု အခြေအနေအပေါ် မူတည်ပြီး ဒီအစီအစဉ်ကို ပြင်ဆင်ဖို့ ထိုင်းဝန်ကြီးချုပ် ပရာယွတ်သ် ချန်အိုချာက စစ်တပ်ကို အမိန့်ပေးနိုင်ရေး အစီရင်ခံထားတယ်လို့ ဆိုပါတယ်။ 

တကယ်လို့ ထိုင်းနိုင်ငံသားတွေကို မြန်မာနိုင်ငံထဲကနေ ကယ်ထုတ်ဖို့ လိုအပ်ခဲ့ရင် ချက်ချင်း ဆောင်ရွက်နိုင်ဖို့ ထိုင်းလေတပ်ဟာ ကယ်ဆယ်ရေးအတွက် လေ့ကျင့်နေခဲ့တာပါ။ အမိန့်ရတာနဲ့ ချက်ချင်း ထိုင်းနိုင်ငံသားတွေကို ကယ်ဖို့ ခရီးထွက်နိုင်ရေး အတွက် C-130 အမျိုးအစား လေယာဉ် ၈စီးကို အဆင်သင့် ပြင်ဆင်ထားတယ်လို့ ထိုင်း PBS က ပြောပါတယ်။

အခြေအနေတွေကိုလည်း မြန်မာနိုင်ငံဆိုင်ရာ ထိုင်းစစ်သံမှူးက အကြီးအကဲတွေဆီ အစီရင်ခံပြီးပြီလို့ ဆိုပါတယ်။ 

ရန်ကုန်မြို့မှာ ရှိနေတဲ့ ထိုင်းနိုင်ငံသား အယောက် ၈၀၀ လောက်ကလည်း ထိုင်းနိုင်ငံကို ပြန်ဖို့ သူတို့ဆန္ဒကို အကြောင်းမကြားကြသေးဘူးလို့ ဆိုပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up