စစ်တပ်အာဏာသိမ်းပြီးနောက် ပုဂ္ဂလိကဘဏ်တွေအားလုံးပိတ်ထားချိန်မှာ ရန်ကုန်မြို့ရှိ စစ်တပ်ပိုင် မြဝတီဘဏ်ခွဲတွေမှာတော့ ငွေလာထုတ်သူတွေများပြားနေပါတယ်။
တစ်ရက်ကိုငွေထုတ်မယ့်သူ အယောက် ၂၀၀ စာအတွက် တုံကင် ၂၀၀ သာ ထုတ်ပေးမှာ ဖြစ်ပြီး တုံကင်တစ်ခုကိုလည်း ငွေကျပ်သိန်း ၅၀ ထက် ပိုမထုတ်ပေးဘူးလို့ မြဝတီ ဝါးတန်းလမ်း ဘဏ်ခွဲ တာဝန်ရှိသူတွေက ပြောပါတယ်။
အဲဒီလို ငွေထုတ်ယူရမယ့်ပမာဏ ကန့်သတ်ထားတာဟာ ငွေအင်အားမလုံလောက်လို့ မဟုတ်ဘူးလို့ ဘဏ်တာဝန်ရှိသူတွေက ငြင်းဆိုပါတယ်။
ဘဏ်ငွေလာထုတ်သူအများစုကတော့ ပိုက်ဆံတွေ ဆုံးရှုံးသွားမှာစိုးတာကြောင့် လာရောက်ထုတ်ယူကြတာလို့ ဆိုပါတယ်။
အာဏာသိမ်းစစ်အစိုးရကို ဆန့်ကျင်အာခံတဲ့အနေနဲ့ ဘဏ်ဝန်ထမ်းတွေက အလုပ်မဆင်းပဲ CDM လှုပ်ရှားမှုမှာပါဝင်နေကြရာမှာ မြန်မာနိုင်ငံတဝန်း ဘဏ်လုပ်ငန်းတွေ ရပ်ဆိုင်းလုဖြစ်နေပါတယ်။
ထက်ဝေအောင်