တပ်မတော်က နိုင်ငံတော်အာဏာ သိမ်းယူခဲ့တာကို မကျေနပ်လို့ ကချင်ပြည်နယ် မြစ်ကြီးနားမြို့မှာ ဖေဖေါ်ဝါရီ ၉ ရက် မနက် ၉ နာရီကစပြီး ရဟန်းရှင်လူ ပြည်သူတွေ ပူးပေါင်းပြီး ဒုတိယနေ့အဖြစ် ဆန္ဒပြနေပါတယ်။
ဆန္ဒပြသူတွေဟာ စီတာပူရပ်ကွက် မနောကွင်းမှာ စတင်စုဝေးပြီးစတင်ဆန္ဒဖော်ထုတ်ခဲ့ရာ စစ်တပ်နဲ့ ရဲတပ်ဖွဲ့က တားဆီးထားတဲ့အတွက် ထိုင်သပိတ်အဖြစ် ဆန္ဒပြခဲ့ရာမှ ညှိနှိုင်းပြီး မြို့တွင်းလှည့်လည်မှုမပြုဘဲ ဧရာရပ်ကွက်ရှိ အမှတ် ၁အခြေခံပညာအထက်တန်းကျောင်းရှေ့မှာ လူပေါင်းသိန်းနဲ့ချီ ဆန္ဒပြခဲ့ကြပါတယ်။
ဆန္ဒဖော်ထုတ်သူတွေဟာ စစ်အာဏာရှင်စနစ် ကျဆုံးရေး၊ ဒီမိုကရေစီ အရေးတော်ပုံအောင်ရမယ်၊ ပုကျွန်မခံပြီ စတဲ့စာသားတွေကို အင်္ဂလိပ်-မြန်မာ-တရုတ် ဘာသာတွေနဲ့ ကတ်ထူစက္ကူပေါ်မှာရေးပြီး ကိုင်ဆောင်ဆန္ဒဖော်ထုတ်ခဲ့ကြပါတယ်။
ဆန္ဒဖော်ထုတ်သူတွေဟာ နေ့လည် ၁၂ နာရီမှာ ဆန္ဒထုတ်ဖေါ်မှုငြိမ်းချမ်းစွာပြီးဆုံးပြီး လူစုခွဲလိုက်ပါတယ်။
