‘ဝ’ အထူးဒေသတွင် ကိုဗစ်-၁၉ လူနာသစ် ၆ ဦးတွေ့၊ အတည်ပြုလူနာပေါင်း ၃၈ ဦး အထိရှိလာ
DVB
·
December 28, 2020
ရှမ်းပြည်နယ်ရှိ ‘ဝ’ ကိုယ်ပိုင်အုပ်ချုပ်ခွင့်ရဒေသဖြစ်တဲ့ အထူးဒေသ (၂) မှာ ကိုဗစ်-၁၉ လူနာသစ် ၆ ဦးထပ်မံစစ်ဆေးတွေ့ရှိတယ်လို့ ‘ဝ’ ဒေသ ကိုဗစ်-၁၉ ရောဂါ ကာကွယ်ထိန်းချုပ်ရေး အဖွဲ့က ထုတ်ပြန်ပါတယ်။
လူနာသစ် ၆ ဦးစလုံးဟာ မိုင်းပေါက်ခရိုင်ကဖြစ်တယ်လို့လည်း ထုတ်ပြန်ချက်အရ သိရပါတယ်။
ဒီဇင်ဘာ ၂၇ ရက်နေ့အထိ ဓာတ်ခွဲနမူနာ စုစုပေါင်း ၇၉၄၃ ခုကို စစ်ဆေးပြီးစီးခဲ့ရာမှာ ပန်ခမ်းမြို့မှာ ၁၂ ယောက်၊ မိုင်းပေါက်ခရိုင်မှာ ၂၆ ယောက် စုစုပေါင်း အတည်ပြုလူနာ ၃၈ ယောက် တွေ့ရှိထားပြီး သေဆုံးသူတော့ မရှိသေးပါဘူး။
အထူးဒေသ ၄ မိုင်းလားမှာလည်း ဧရိယာတစ်ခုလုံးကို Lockdown ချထားပြီး လူတိုင်းစေ့ အခမဲ့ PCR စနစ်နဲ့ ကိုဗစ်-၁၉ ရောဂါ ရှိ မရှိ စစ်ဆေးပေးနေတယ်လို့ သိရပါတယ်။
သတ်မှတ်ထားတဲ့ ရပ်ကွက်နဲ့ အိမ်ခြေအလိုက် တစ်အိမ်ချင်းစီ ကိုဗစ်-၁၉ စစ်ဆေးပေးနေတာဖြစ်ပြီး သတ်မှတ်ချက်မလိုက်နာဘဲ နေအိမ်အပြင်ထွက်ပါက ဒဏ်ငွေရိုက်ပြီး ပြစ်ဒဏ်ချမှတ်တာတွေလည်း ရှိပါတယ်။
