မကွေးတိုင်း၌ ယာဉ်မောင်းနှင့် ယာဉ်နောက်လိုက်များကို Test Kits ဖြင့် စစ်ဆေးရာ ၅ ဦး ကိုဗစ်-၁၉ ပိုးတွေ့
685
မကွေးတိုင်းဒေသကြီး၊ ငဖဲမြို့နယ် ပျဉ်းဝ ပူးပေါင်းစစ်ဆေးရေးဂိတ်နဲ့ မင်းဘူးကားကြီးကွင်းမှာ အောက်တိုဘာ ၅ ရက်နေ့က Test Kits နဲ့စစ်ဆေးရာ အမျိုးသား ၅ ဦးမှာ ကိုဗစ်-၁၉ ရောဂါပိုးတွေ့ရှိခဲ့တယ်လို့ တိုင်းဒေသကြီးပြည်သူ့ကျန်းမာရေးဦးစီးဌာနကနေ သိရပါတယ်။
မကွေးတိုင်းဒေသကြီး ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာခင်မောင်သန်း က "ရခိုင်ပြည်နယ်ဘက်က ပြန်ဝင်လာကြတဲ့ ယာဉ်မောင်းနဲ့ ယာဉ်နောက်လိုက်တွေကို Test Kits နဲ့စစ်ဆေးရာ မင်းဘူးမြို့ကားကြီးကွင်းမှာ အမျိုးသား ၃ ဦးနဲ့ ငဖဲမြို့နယ် ပျဉ်းဝ ပူးပေါင်းစစ်ဆေးရေးဂိတ်မှာ အမျိုးသား ၂ ဦး ကိုဗစ်-၁၉ ရောဂါပိုး တွေ့ရှိခဲ့တာ ဖြစ်တယ်”လို့ ပြောပါတယ်။
အဲဒီအတည်ပြုလူနာတွေကို သက်ဆိုင်ရာ မြို့နယ်အလိုက် ဆေးကုသပေးမှာဖြစ်ပြီးတော့ သူတို့နဲ့ထိစပ်တဲ့သူတွေကိုလည်း ကိုဗစ်-၁၉ ရောဂါပိုးရှိမရှိ စစ်ဆေးပေးမယ်လို့ဆိုပါတယ်။
မကွေးတိုင်းဒေသကြီးအတွင်းက မြို့နယ်တွေကို နာရီပိုင်းအတွင်း ကိုဗစ်-၁၉ ရောဂါပိုးရှိမရှိ စစ်ဆေးနိုင်တဲ့ Test Kits တွေကို ပထမအသုတ်အနေနဲ့ ၄၀၀၀ ခန့်ဖြန့်ချိထားပြီး နောက်ထပ် ၅၀၀၀ ခန့် ထပ်မံဖြန့်ချိပေးဖို့ရှိပါတယ်။
Test Kits တွေကို အဓိကအနေနဲ့ ကျန်းမာရေးဝန်ထမ်းတွေ၊ သံသယလူနာတွေ၊ အစာအိမ်ရောဂါသမားတွေနဲ့ ကုန်စည်စီးဆင်းမှုအတွက် နယ်စပ်ဖြတ်ကျော် ဝင်လာတဲ့ ယာဉ်မောင်း ၊ယာဉ်နောက်လိုက်တွေကို ဦးစားပေးစစ်ဆေးမှာဖြစ်တယ်"လို့ ပြောပါတယ်။
မကွေးတိုင်းဒေသကြီးအတွင်းမှာ လက်ရှိအချိန်ထိ ကိုဗစ်-၁၉ အတည်ပြုလူနာ ၇၂ ဦးထိတွေ့ရှိထားပြီး ဆေးရုံဆင်းခွင့်ရရှိသူ ၃၀ ဦးရှိတယ်လို့ တိုင်းဒေသကြီး ပြည်သူ့ကျန်းမာရေးဦးစီးဌာနကနေ သိရပါတယ်။
သတင်း-မင်းထီး
မကွေးတိုင်းဒေသကြီး ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာခင်မောင်သန်း က "ရခိုင်ပြည်နယ်ဘက်က ပြန်ဝင်လာကြတဲ့ ယာဉ်မောင်းနဲ့ ယာဉ်နောက်လိုက်တွေကို Test Kits နဲ့စစ်ဆေးရာ မင်းဘူးမြို့ကားကြီးကွင်းမှာ အမျိုးသား ၃ ဦးနဲ့ ငဖဲမြို့နယ် ပျဉ်းဝ ပူးပေါင်းစစ်ဆေးရေးဂိတ်မှာ အမျိုးသား ၂ ဦး ကိုဗစ်-၁၉ ရောဂါပိုး တွေ့ရှိခဲ့တာ ဖြစ်တယ်”လို့ ပြောပါတယ်။
အဲဒီအတည်ပြုလူနာတွေကို သက်ဆိုင်ရာ မြို့နယ်အလိုက် ဆေးကုသပေးမှာဖြစ်ပြီးတော့ သူတို့နဲ့ထိစပ်တဲ့သူတွေကိုလည်း ကိုဗစ်-၁၉ ရောဂါပိုးရှိမရှိ စစ်ဆေးပေးမယ်လို့ဆိုပါတယ်။
မကွေးတိုင်းဒေသကြီးအတွင်းက မြို့နယ်တွေကို နာရီပိုင်းအတွင်း ကိုဗစ်-၁၉ ရောဂါပိုးရှိမရှိ စစ်ဆေးနိုင်တဲ့ Test Kits တွေကို ပထမအသုတ်အနေနဲ့ ၄၀၀၀ ခန့်ဖြန့်ချိထားပြီး နောက်ထပ် ၅၀၀၀ ခန့် ထပ်မံဖြန့်ချိပေးဖို့ရှိပါတယ်။
Test Kits တွေကို အဓိကအနေနဲ့ ကျန်းမာရေးဝန်ထမ်းတွေ၊ သံသယလူနာတွေ၊ အစာအိမ်ရောဂါသမားတွေနဲ့ ကုန်စည်စီးဆင်းမှုအတွက် နယ်စပ်ဖြတ်ကျော် ဝင်လာတဲ့ ယာဉ်မောင်း ၊ယာဉ်နောက်လိုက်တွေကို ဦးစားပေးစစ်ဆေးမှာဖြစ်တယ်"လို့ ပြောပါတယ်။
မကွေးတိုင်းဒေသကြီးအတွင်းမှာ လက်ရှိအချိန်ထိ ကိုဗစ်-၁၉ အတည်ပြုလူနာ ၇၂ ဦးထိတွေ့ရှိထားပြီး ဆေးရုံဆင်းခွင့်ရရှိသူ ၃၀ ဦးရှိတယ်လို့ တိုင်းဒေသကြီး ပြည်သူ့ကျန်းမာရေးဦးစီးဌာနကနေ သိရပါတယ်။
သတင်း-မင်းထီး 
