ညောင်လေးပင်တွင် တရားမ၀င်ဆေးဝါးတု ရောင်းချမှုရှိမရှိ စစ်ဆေး

ပဲခူးတိုင်းဒေသကြီး ညောင်လေးပင်မြို့နယ်မှာ စက်တင်ဘာ ၁၆ ရက်က မြို့နယ်တွင်းရှိ ဆေးဆိုင်တွေမှာ တရားမဝင်ဆေးဝါးတုတွေ ရောင်းချနေမှု ရှိမရှိကို ၁၀ ကြိမ်မြောက်စစ်ဆေး မှုတွေ ပြုလုပ်ခဲ့တယ်လို့ မြို့နယ်ရဲတပ်ဖွဲ့မှူးက ပြောပါတယ်။ ညောင်လေးပင်မြို့နယ်မှာ ဆေးဝါးတုတိုက်ဖျက်ရေး လုပ်ငန်းစီမံချက်အရ အင်တာပိုလ်ဆေးဝါးတု တိုက်ဖျက်ရေးဆိုင်ရာ စစ်ဆင်ရေးကို မြန်မာ နိုင်ငံရဲတပ်ဖွဲ့နဲ့ မြို့ပေါ်ရှိ ဌာနဆိုင်ရာတွေ ပူးပေါင်းရှာဖွေ စစ်ဆေးမှုတွေ ပြုလုပ်ခဲ့တာလို့ ဆိုပါတယ်။ ရဲမှူးကိုကိုကြီးက “ကျနော်တို့မြို့နယ်မှာ ဆေးဝါးတုများ ကင်းစင်ပပျောက်စေရေးနှင့်ပြည်သူများ ဆေးဝါးတုများရဲ့ ဘေးထွက်ဆိုးကျိုးအန္တယ်များမှ ကင်းစင်းစေရန်ရည်ရွယ်ပြီး ဆောင်ရွက်နေတာဖြစ်တယ်” လို့ ဒီဗွီဘီကို ပြောပါတယ်။ မြို့ပေါ်ရှိ ဆေးဆိုင်တွေနဲ့ ဈေးအတွင်းရှိ ဆေးဆိုင် ၈ ဆိုင်မှာ ဆေးဝါးအတု၊ မှတ်ပုံတင်ထားခြင်းမရှိတဲ့ ဆေးဝါး၊ စပ်ဆေးတွေနဲ့ စံမညီဆေးဝါးတွေ ရောင်းချမှု မရှိစေရေး စစ်ဆေးတာ၊ ပညာပေးတာတွေ ဆောင်ရွက်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up