မြိတ်ခရိုင်အတွင်း စက်သုံးဆီအရောင်းဆိုင်များ စည်းကမ်းနဲ့အညီ ရောင်းချနိုင်ရေး ဆွေးနွေး
DVB
·
September 13, 2017
တနင်္သာရီတိုင်းဒေသကြီး မြိတ်ခရိုင် မြို့နယ် လေးမြို့နယ်အတွင်း စက်သုံးဆီ တင်သွင်း ဖြန့်ဖြူးရောင်းချခြင်းနဲ့ စက်သုံးဆီ ရောင်းချခြင်းဆိုင်ရာ အလုပ်ရုံဆွေးနွေးပွဲကို စက်တင်ဘာ၁၂ ရက်မနက်က မြိတ်မြို့ရှိ ပုလဲရတနာခန်းမမှာ ပြုလုပ်ခဲ့ပါတယ်။
အခုရောက်ရှိလာတော့မယ့် ပွင့်လင်းရာသီမှာ မီးဘေးအန္တရာယ်တွေ ဖြစ်ပွားမှာကို ကြိုတင်ကာကွယ်နိုင်ရေးအတွက် မြို့ပေါ်ရှိ စက်သုံးဆီ အရောင်းဆိုင်တွေကို စနစ်တကျ ရောင်းချနိုင်ရေးအတွက် အလုပ်ရုံဆွေးနွေးပွဲကို ကျင်းပတာဖြစ်ပြီး ဆွေးနွေးပွဲကို ခရိုင်ထဲမှ သက်ဆိုင်ရာ မြို့နယ်တွေက အသေးစား၊ အလတ်စား စက်သုံးဆီ အရောင်းဆိုင် လုပ်ငန်းရှင်တွေ တက်ရောက်ခဲ့ကြပါတယ်။
မြို့သစ်ကျောင်းအနီး စက်သုံးဆီ ရောင်းချနေသူ ဦးဝင်းလွင်က “တိုင်းဒေသကြီး အစိုးရအဖွဲ့က လက်ရှိ မြိတ်မြို့မှာ ရောင်းချနေတဲ့ စက်သုံးဆီဆိုင်တွေရဲ့အပေါ်မှာ စည်းကမ်းတကျနဲ့ ရောင်းစေချင်တယ်၊ ပြီးတော့ မီးဘေးအန္တရာယ်နဲ့လည်း ကင်းဝေးအောင် စည်းနဲ့ ကမ်းနဲ့ ရောင်းစေချင်တဲ့ အကြောင်းအရာတွေပါ”လို့ ပြောပါတယ်။
အစိုးရရဲ့ ညွန်ကြားချက်နဲ့ ခွင့်ပြုချက်အတိုင်း စက်သုံးဆီတွေကို ဖြန့်ဖြူး ရောင်းချပါက လုပ်ငန်းလိုင်စင်၊ မြေနေရာတွေနဲ့ အဆောက်အဦပိုင်းဆိုင်ရာတွေမှာ အခက်အခဲတချို့ ရှိနေတာကြောင့် ဒေသန္တရအမိန့်နဲ့ ဖြေလျှော့ ရောင်းချခွင့်ပြုဖို့ စက်သုံးဆီဆိုင်အများစုက ဆွေးနွေး တင်ပြခဲ့တယ်လို့ သိရပါတယ်။
“အစိုးရအဖွဲ့က ချမှတ်ထားတဲ့ စည်းကမ်း ၁၇ ချက်နဲ့အညီ လုပ်ငန်း လိုင်စင်လည်း လုပ်ဖို့ ပါပါတယ်၊ ဒါပေမယ့် အခု လက်ရှိ အနေအထားအရ ဆိုရင်တော့ မြိတ်မြို့မှာ ရှိတဲ့ စက်သုံးဆီ အရောင်းဆိုင် အားလုံးနီးပါးက လုပ်နိုင်တဲ့ အနေအထား မရှိပါဘူး၊ ဘာဖြစ်လို့လည်းဆိုတော့ သူတို့ သတ်မှတ်ထားတဲ့ စည်းကမ်းချက်တွေထဲက အဓိကပြဿနာက မြေနေရာ အခက်အခဲပါပဲ။ ဒီအတွက်ကြောင့် ဒေသနဲ့ အံဝင်ခွင်ကျမှု မရှိဘူး”လို့ ဦးဝင်းလွင်က ပြောပါတယ်။
စက်သုံးဆီကို ဖြန့်ဖြူးရောင်းချတာနဲ့ပတ်သက်ပြီး အစိုးရအဖွဲ့က ချမှတ်ထားတဲ့ စည်းကမ်းချက် ၁၇ ချက်နဲ့အညီ အတင်းအကျပ် စီစဉ်ပါက အသေးစား စက်သုံးဆီဆိုင်တွေ လုံးဝ ရပ်နားသွားနိုင်ပြီး မိသားစု စားဝတ်နေရေးတွေအခက်တွေ့နိုင်တယ်လို့ ဆွေးနွေးပွဲ တက်ရောက်တဲ့ လုပ်ငန်းရှင်တွေက အကြံပြု ပြောဆိုပါတယ်။
မြိတ်မြို့နယ် စက်သုံးဆီ တင်သွင်း ဖြန့်ဖြူးရောင်းချရေးအသင်း ဥက္ကဋ္ဌ ဦးဟုန်နုကတော့ “မြိတ်ဒေသမှာ ရောင်းချနေတဲ့ စက်သုံးဆီဆိုင်တွေ တရားဝင်ဖြစ်ဖို့အတွက် အဓိက ဆွေးနွေးကြတာ ဖြစ်တယ်၊ မြိတ်မြို့မှာ ရောင်းချနေတဲ့ အသေးစား/ အလတ်စား ဆိုင်တွေကို တရားဝင် လုပ်ငန်းတခုဖြစ်ဖို့ တိုင်းပြည်အတွက် အခွန်ဘဏ္ဍာလည်း ရအောင်၊ လုပ်ငန်း လိုင်စင်လျှောက်တဲ့အခါမှာ အခက်အခဲ မဖြစ်အောင် တိုင်းဒေသကြီး အစိုးရအဖွဲ့ကို တင်ပြနိုင်ဖို့နဲ့ ဘယ်လို ဖြေလျှော့ပေးဖို့ဆိုတာ ဆွေးနွေးတာ ဖြစ်တယ်” လို့ ပြောပါတယ်။
မြိတ်မြို့ပေါ်မှာ စက်သုံးဆီများကို တင်သွင်း ဖြန့်ဖြူးရောင်းတဲ့ အသေးစား၊ အလတ်စား အရောင်းဆိုင်ရာနဲ့ချီရှိပြီး၊ တရားဝင်လိုင်စင်နဲ့ ရောင်းချတဲ့ဆိုင် ၅ ဆိုင်လောက် သာရှိကြောင်း မြန်မာ့ရေနံထွက် ပစ္စည်းရောင်းဝယ်ရေး၊ ခရိုင်မန်နေဂျာ ဦးဆင့်ကိုကိုက ပြောပါတယ်။
မြိတ်ဒေသတွင် အသုံးပြုလျက်ရှိသော ဓာတ်ဆီနဲ့ ဒီဇယ်ဆီ၊ စက်သုံးဆီတွေဟာ ပြည်ပနိုင်ငံ ဖြစ်တဲ့ စင်ကာပူနဲ့ မလေးရှာနိုင်ငံတို့မှ ရေကြောင်းနဲ့ အဓိကတင်သွင်းတာဖြစ်ပါတယ်။
မြိတ်မြို့မှာ ဖြန့်ဖြူးရောင်းချတဲ့ ဒီဇယ်စက်သုံးဆီတွေကို ငါးဖမ်းရေယာဉ်တွေမှာ ၇၀% အထိသုံးစွဲပြီး စက်ရုံ၊ အလုပ်ရုံနဲ့ ရေခဲစက်တွေမှာလည်း အသုံးပြုပါတယ်။ ဓာတ်ဆီတွေကိုတော့ မြို့ပေါ်မှာ ဆိုင်ကယ်နဲ့ ကားတွေက အများစုက အသုံးပြုကြတာပါ။
မြိတ်ခရိုင်အတွင်း လေးမြို့နယ်မှာ လမ်းဘေး စက်သုံးဆီဆိုင်ကြီးတွေနဲ့ အသေးစား၊ အလတ်စား စက်သုံးဆီဆိုင် စုစုပေါင်း ၄၀၀ ကျော်ခန့်ရှိတယ်လို့ သိရပါတယ်။
သတင်း - ဇော်ဇော် (မြိတ်)