မြန်မာနိုင်ငံမှာ ပင်စင်စား စုစုပေါင်း ၆ သိန်းကျော်ရှိတဲ့အနက် ၅၀ ရာခိုင်နှုန်းဖြစ်တဲ့ လူဦးရေ ၃ သိန်းကျော်လောက်ပဲ စမတ်ကတ် ထုတ်ယူပြီးသေးတယ်လို့ ဘဏ္ဍာရေးဝန်ကြီးဌာန ကြေညာချက်အရ သိရပါတယ်။ ဘဏ္ဍာရေးဝန်ကြီးဌာနက ထုတ်ပြန်တဲ့ စာရင်းတွေအရ ပင်စင်စား ၆ သိန်းကျော်အနက် ၄ သိန်း ၇ သောင်းကျော် စမတ်ကတ်လာပြီး လျှောက်ထားတယ်၊ ဒီအထဲကမှ ၄ သိန်းကျော်ကို ထုတ်ပေးထားပြီးဖြစ်တယ်၊ ဒါပေမယ့် အမှန်တကယ် စမတ်ကတ်လာထုတ်တဲ့သူ ဦးရေ ၃ သိန်းကျော်ပဲ ရှိတယ်လို့ ဖော်ပြထားပါတယ်။ ဘဏ္ဍာရေးဝန်ကြီးဌာနဟာ ပြည်သူဗဟိုပြု ၀န်ဆောင်မှုစနစ်ကို ပြောင်းလဲနေရာမှာ အီး - ပင်စင်စနစ် (e - pension) ကိုလည်း အကောင်အထည် ဖော်နေကြောင်း အဲဒီ ထုတ်ပြန်ချက်အရ သိရပါတယ်။