တပ်ကုန်းမြို့နယ်တွင် ကားတစီး ရေစီးနှင့်မျောပါပြီး သဲထဲနစ်မြုပ်
DVB
·
June 3, 2019
နေပြည်တော်၊ တပ်ကုန်းမြို့နယ်ထဲမှာ တောင်ကျရေဆင်းနေတုန်း ဖြတ်မောင်းတဲ့ ကားတစီး ရေနဲ့မျောပါသွားပြီး သဲထဲကိုနစ်မြုပ်သွားခဲ့ပါတယ်။
တပ်ကုန်းမြို့နယ်၊ ဂွေ့ကြီးရွာနားမှာ မနေ့ညနေပိုင်းက မိုးသည်းသည်းရွာပြီး ဂွေ့ကြီးချောင်းရေ ဆင်းနေချိန်မှာ တပ်ကုန်းအနေ ရန်ကုန်- မန္တလေးအမြန် လမ်းသို့ ဆက်သွယ်ထားတဲ့ ကွန်ကရစ်လမ်း၊ ချောင်းကူး ရေကျော်မှာ ဖြတ်မောင်းတဲ့ KLUGER အမျိုးအစား ကားတစီးမျောပါသွားတာလို့ ပြန်ကြားရေးသတင်းမှာ ဖော်ပြထားပါတယ်။
အဲဒီကားဟာ တပ်ကုန်းမြို့နယ် အောင်ဇေယျရပ်ကွက်၊ ဦးမျိုးမင်းအောင် မောင်းနှင်လာတာဖြစ်ပြီး ဦးမျိုးမင်းအောင်မှာ မျက်လုံးထဲ သဲတွေဝင်ပြီး အအေးမိသွားတာကြောင့် တပ်ကုန်း ကုတင် ၁ဝဝ ဆေးရုံမှာ ကုသခဲ့ရတယ်လို့ ဆိုပါတယ်။
အဲဒီကားနဲ့ ယာဉ်မောင်းကို ကယ်ဆယ်နိုင်ဖို့ ပြည်သူ့လွှတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးနဲ့ ဌာနဆိုင်ရာတွေ၊ မြို့နယ်မီးသတ်ဖွဲ့ဝင်တွေ၊ ဂွေ့ကြီး ရွာအုပ်ချုပ်ရေးမှူးနဲ့ ရွာသားတွေ ကူညီခဲ့ကြပြီး ဒီနေ့မနက်မှာတေ့ သဲထဲမှာ မြုပ်နေတဲ့ကားကို ရွာသားတွေက ဝိုင်းဝန်းဖော်ထုတ်ပေးခဲ့ကြပါတယ်။
