A d v e r t i s e m e n t With Us

အုတ်တွင်းမြို့နယ် တပ်တွင်းမဲရုံ ၅ ခုတွင် မဲပေးမှုပြီးစီးပြီဟု ကော်မရှင်ပြော

ပဲခူးတိုင်းဒေသကြီး အုတ်တွင်းမြို့နယ် လစ်လပ်တိုင်းဒေသကြီး အမှတ် ၁ လွှတ်တော်ကိုယ်စားလှယ်နေရာအတွက် ဒီနေ့ ကျင်းပနေတဲ့ ကြားဖြတ်ရွေးကောက်ပွဲမှာ တပ်တွင်း မဲရုံတွေအနက် ၅ ရုံ မဲပေးပြီးသွားပြီလို့ မြို့နယ်ရွေးကောက်ပွဲကော်မရှင်ခွဲရုံးက ပြောပါတယ်။ အုတ်တွင်းမြို့နယ်မှာ ဆန္ဒမဲပေးမယ့် ပြည်သူ ၅၉၀၀၀ ကျော်ဟာ မဲရုံ ၇၂ ရုံမှာ မဲပေးရမှာဖြစ်ပါတယ်။ တပ်တွင်းမဲရုံ ၆ ရုံမှာတော့ ဆန္ဒမဲပေးပိုင်ခွင့်ရှိသူ ၁၅၀၀ ကျော်ရှိပါတယ်။ "တပ်တွင်း ၆ ရုံရှိတဲ့အထဲမှာ လက်ရှိ ၅ ရုံရှိပြီးသွားပြီ။ သူတို့က မြန်ရတဲ့အကြောင်းရင်းက မနက် မဲရုံဖွင့်တဲ့အချိန်မှာ တန်းစီပြီး မဲပေးတယ်။ ပြီးမှ သူတို့လုပ်စရာရှိတာကို ဆက်လုပ်တယ်၊ ဒါကြောင့်မြန်တာ။ အခြားမဲရုံတွေကလည်း ၁ နာရီတခါတော့ စာရင်းတွေတက်နေပါပြီ။ စားရင်း အတိအကျတော့ မသိရသေးပါဘူး" လို့ အုတ်တွင်းမြို့နယ် ရွေးကောက်ပွဲကော်မရှင်ဥက္ကဋ္ဌ ဦးတင်ဝင်းက ပြောပါတယ်။ အုတ်တွင်းမြို့နယ် တိုင်းဒေသကြီးအမှတ် ၁ လွှတ်တော်ကိုယ်စားလှယ်နေရာအတွက် တသီးပုဂ္ဂလ တဦးနှင့် ပါတီ ၇ ခုမှ ကိုယ်စားလှယ်တွေ ဝင်ရောက်ယှဉ်ပြိုင်နေကြတာ ဖြစ်ပါတယ်။ သတင်း ကျော်အောင်(ကညွတ်ကွင်း)

A d v e r t i s e m e n t With Us

More News
Up