တမူထူးတဲ့ အီဂျစ် လေယာဉ်ပြန်ပေးဆွဲမှု
DVB
·
April 4, 2016
၂၀၁၆ ခုနှစ် မတ်လ ၂၉ ရက်နေ့ (အင်္ဂါနေ့) မနက်ပိုင်းမှာ အီဂျစ်နိုင်ငံရဲ့ ဒုတိယအကြီးဆုံးမြို့ဖြစ်တဲ့ အလက်ဇင်းဒရီးယားမြို့ လေဆိပ်ကနေ မြို့တော်ကိုင်ရိုကို ထွက်ခွာလာတဲ့ အီဂျစ်ပြည်တွင်း လေကြောင်းလိုင်း အမ်အက်စ် ၁၈၁ အဲဘတ်စ် ၃၂၀ လေယာဉ်ကို ပြန်ပေးဆွဲမှု ဖြစ်ပွားခဲ့တဲ့အတွက် လေယာဉ်ပြန်ပေးဆွဲတဲ့သတင်း စပြီး ထွက်ပေါ်လာကတည်းက အီဂျစ်နိုင်ငံ ပြည်သူလူထုနဲ့ နိုင်ငံတကာက စိုးရိမ်ထိတ်လန့် ဖြစ်ခဲ့ကြပါတယ်။
ပြန်ပေးဆွဲခံရတဲ့ လေယာဉ်ပေါ်မှာ ခရီးသည် အနည်းဆုံး ၅၅ ယောက်ပါဝင်ပြီး အမေရိကန် ၈ယောက်၊ ဗြိတိန် ၄ ယောက်၊ ဒတ်ခ်ျ ၄ ယောက်၊ ဘယ်လ်ဂျီယံ ၂ ယောက်၊ ဂရိ ၂ ယောက်၊ ပြင်သစ် ၁ ယောက်၊ အီတာလျံ ၁ ယောက်နဲ့ ဆီးရီးယန်း ၁ ယောက် အပါအ၀င် နိုင်ငံခြားသား ခရီးသည် ၂၆ ယောက် ပါဝင်တယ်လို့ အီဂျစ်နိုင်ငံ မြို့ပြလေကြောင်းဝန်ကြီးဌာနက ထုတ်ပြန်ကြေညာချက်အရ သိရပါတယ်။ လေယာဉ်ဝန်ထမ်းတွေ အပါအ၀င်ဆိုရင် လူ ၇၀ လေယာဉ်ပေါ်မှာ ပါရှိတယ်လို့ ဆိုပါတယ်။
လေယာဉ်ကို ပြန်ပေးဆွဲသူကတော့ ဆေးရိဖ် အယ်လ်ဒင်းမူစတာဖာ ဖြစ်ပြီး သူက အီဂျစ်ပြည်တွင်း လေကြောင်းလိုင်း လေယာဉ်ကို ဆိုပ်ပရပ်စ်နိုင်ငံကို လမ်းကြောင်းပြောင်းပြီး မောင်းခိုင်းခဲ့တာ ဖြစ်ပါတယ်။ သူက လေယာဉ်ပြန်ပေးဆွဲဖို့ အသုံးပြုခဲ့တဲ့ လက်နက်ကတော့ အသေခံဗုံးခွဲသမားတွေ အသုံးပြုလေ့ရှိတဲ့ ဗုံးခါးပတ်တခုပဲဖြစ်ပြီး သူအဖမ်းခံရပြီးတဲ့ အချိန်မှာတော့ အဲဒီအသေခံ ဗုံးခွဲခါးပတ်ဟာ အတုတခုသာဖြစ်တယ်လို့ လုံခြုံရေးဝန်ထမ်းတွေက အတည်ပြု ပြောကြားခဲ့ပါတယ်။ ဒါပေမယ့် အဲဒီအချိန်မှာ ပြန်ပေးဆွဲခံထားရတဲ့ လေယဉ်ပေါ်မှာ စီးနင်းလိုက်ပါလာတဲ့ ခရီးသည်တွေအဖို့ကတော့ အကြီးအကျယ် ထိတ်လန့်တုန်လှုပ်ခဲ့ကြရတာ အမှန်ပါပဲ။
ဒီအကြောင်းကို လေယာဉ်စီးခရီးသည်တယောက်ဖြစ်တဲ့ အယ်လ်ဒီဘာနီက စီအင်အင် သတင်းဌာနရဲ့ တယ်လီဖုန်းနဲ့ မေးမြန်းတာကို ဖြေကြားရာမှာ လေယာဉ်ဝန်ထမ်းတွေက သူတို့တွေကို သူတို့ရဲ့ပတ်စ်ပို့တွေကို ဘာဖြစ်လို့ လိုက်သိမ်းရတဲ့အကြောင်းကို ပထမတော့ ပြောမပြခဲ့ကြဘူးလို့ ဆိုပါတယ်။ “ပြဿနာတခုဖြစ်နေလို့ပါ။ ကျေးဇူးပြုပြီး မမေးပါနဲ့” လို့ပဲ သူတို့က ပြောခဲ့ကြတယ်လို့ သူကပြောပါတယ်။ လေယာဉ်က ကိုင်ရိုကိုရောက်ရမယ့် အချိန်ထက် ပိုကြာနေပြီး ပင်လယ်ပြင်ကို ဖြတ်ပျံနေတဲ့အတွက် “ကိုင်ရိုကို ပျံတဲ့နေရာမှာ ရှင်တို့ ပင်လယ်ပြင်ကို မဖြတ်ရပါဘူး” လို့ သူက ပြောတော့မှ လေယာဉ်ဝန်ထမ်းတယောက်က ကျနော်တို့ ပြန်ပေးဆွဲခံထားရပြီလို့ ပြန်ဖြေခဲ့ပါတယ်။ ဒီသတင်းကို သိလိုက်တာနဲ့ လေယာဉ်ပေါ်က ခရီးသည် အများစုဟာ ထိတ်လန့်တကြား ဖြစ်သွားခဲ့ကြပြီး တချို့ကတော့ ငိုကြပါတယ်။ “သူတို့က ဒီထက်ပိုပြီး ကျမတို့ကို ဘာမှ ပြောမပြခဲ့ဘူးရှင့်။ ပြန်ပေးသမားက ဘာကိုလိုချင်တယ်။ ကျမတို့ ဘယ်ကိုဦးတည်သွားနေတယ်လို့လည်း မပြောဘူးလေ။ ကျမတို့ ပြန်ပေးဆွဲခံထားရတယ် ဆိုတာပဲ သိရတာပါ။” လို့ ဒီဘာနီက ဖြေကြားခဲ့ပါတယ်။
ဒီ အီဂျစ် ပြည်တွင်းလေကြောင်းလိုင်းကို ဦးတည်ခရီးစဉ် ကိုင်ရိုမြို့အစား ဆိုက်ပရပ်စ်နိုင်ငံကို လမ်းကြောင်းပြောင်း ပြန်ပေးဆွဲသွားခဲ့တဲ့ ဆေးရိဖ် အယ်လ်ဒင်းမူစတာဖာကို သူက လေယာဉ်စီး ခရီးသည်တွေနဲ့ လေယာဉ်အမှုထမ်းတွေကို အသေခံ ဗုံးခွဲခါးပတ်နဲ့ ပြန်ပေးဆွဲ အပြီးမှာတော့ သူဟာ စိတ်ပိုင်းဆိုင်ရာအရ ပုံမှန်မဟုတ်တဲ့ သူတယောက်ဖြစ်ပြီး ဒီကိစ္စမှာ သူ့ရဲ့ ဆိုက်ပရပ်စ်နိုင်ငံသူ ဇနီးဟောင်းနဲ့လည်း ပတ်သက်မှုရှိနေတယ်လို့ လုံခြုံရေးအရာရှိတွေက ပြောကြားခဲ့ပါတယ်။
ဒါကလည်း လေယာဉ်ပြန်ပေးဆွဲသူ မူစတာဖာက ကဘောက်တိကဘောက်ချာ တောင်းဆိုမှုတွေလုပ်အပြီး အစပိုင်းမှာကတည်းက ဆိုက်ပရပ်စ်နိုင်ငံ ရောက်တဲ့အချိန်မှာ သူ့ဇနီးဟောင်းနဲ့ တွေ့ဆုံ စကားပြောခွင့်တောင်းခဲ့ပြီး ပုလိပ်အဖွဲ့ကလည်း သူ့ကို လေဆိပ်ကို ခေါ်ဆောင်ပေးခဲ့ရလို့ပါ။
ဆိုက်ပရပ်စ် နိုင်ငံရပ်ခြား အကျပ်အတည်းဆိုင်ရာ စီမံကွပ်ကဲမှု ၀န်ကြီးဌာန ညွှန်ကြားရေးမှူး ဟိုမား နေရွမ်းမာတစ်စ်က “သူက စိတ်အမျိုးမျိုး ပြောင်းလဲနေပြီး အမျိုးမျိုးတောင်းဆိုနေခဲ့တယ်လေ” လို့ ပြောကြားခဲ့ပြီး သူ့ရဲ့ စိတ်ရင်းခံအကြောင်းဟာ ဘာဆိုတာကတော့ မရှင်းလင်းတဲ့အကြောင်းလည်း ပြောပြခဲ့ပါတယ်။ လေယာဉ်ပြန်ပေးဆွဲသူ မူစတာဖာက သူ အင်စတန်ဘူလ်ကို ဆက်သွားနိုင်ဖို့ လေယာဉ်ကို ဆီထပ်ဖြည်ဖို့ တောင်းဆိုခဲ့ပေမယ့် အာဏာပိုင်တွေက မလိုက်လျောခဲ့ဘဲ သူ့ရဲ့ ဇနီးဟောင်းနဲ့ တွေ့ဆုံစကားပြောဖို့ကိုတော့ စီစဉ်ပေးခဲ့တယ်လို့ ဆိုပါတယ်။
လေယာဉ်စီးခရီးသည် မျက်မြင်သက်သေ အယ်လ်ဒီဘာနီကတော့ သူက လေယာဉ်အရှေ့ပိုင်း ထိုင်ခုံမှာရှိနေခဲ့တဲ့အတွက် မူစတာဖာကို အတော်လှမ်းလှမ်းကပဲ တွေ့နေရပြီး သူက လေယာဉ်နောက်ပိုင်း ခန်းဆီးနောက်မှာပဲ အများအားဖြင့် နေခဲ့တာဖြစ်တယ်လို့ ပြောခဲ့ပါတယ်။ သူက လေယာဉ်အမှုထမ်းတွေနဲ့ပဲ စကားပြောခဲ့တာလို့လည်း ဆိုပါတယ်။
အယ်လ်ဒီဘာနီရဲ့ ခန့်မှန်းချက်အရ အနည်းဆုံး ၄၅ မိနစ်လောက် အကြာမှာတော့ မူစတာဖာက လေယာဉ်ပေါ်က အမျိုးသမီးနဲ့ ကလေးတွေကို လေယာဉ်ပေါ်က ဆင်းခွင့်ပေးခဲ့ပြီး နောက်ထပ် မိနစ် ၂၀ လောက်မှာတော့ လေယာဉ်ပေါ်က အီဂျစ်နိုင်ငံသားတွေ အားလုံးကို ဆင်းသက်ထွက်ခွာခွင့်ပေးခဲ့ပြီး အယ်လ်ဒီဘာနီ အပါအ၀င် လွတ်မြောက်လာသူတွေ အားလုံးကို ဘတ်စ်ကားတွေနဲ့ လုံခြုံရာနေရာကို ပို့ဆောင်ပေးခဲ့တယ်လို့ ဆိုပါတယ်။ အယ်လ်ဘာနီကတော့ လေယာဉ်အမှုထမ်းတွေကို အထူးသဖြင့် ပြောခဲ့တာက ဒီလောက်ကြောက်စရာကောင်းတဲ့ အချိန်မှာ “သိပ် အလုပ်သဘော ကျွမ်းကျင်ပါတယ်။ သူတို့က လူတိုင်းကို အေးအေးဆေးဆေး ဖြစ်အောင် ထိန်းထားပေးခဲ့ပါတယ်။” လို့ ပြောပြခဲ့ပြီး သူတို့က ကြောက်စိတ်မွှန်မသွားကြဘူးရှင့်၊ သူတို့ ကိုယ့်ကိုယ်ကိုယ် ထိန်းချုပ်နိုင်ခဲ့ကြပါတယ်” လို့လည်း ချီးကျူးပြောဆိုခဲ့ပါတယ်။
ဒါကလည်း လေယာဉ်ပြန်ပေးဆွဲသူရဲ့ သဘောထား တင်းမာမှုမရှိတာ၊ အကြမ်းမဖက်ဘဲ တောင်းဆိုမှုတွေကိုပဲ ကဘောက်တိ ကဘောက်ချာ လုပ်နေတာတွေကို လေယာဉ်ဝန်ထမ်းတွေက အကဲခတ်မိခဲ့ပြီးဖြစ်နေလို့ ဖြစ်နိုင်ပါတယ်။ ဒါပေမယ့် အန္တရာယ်ရှိနေတယ်ဆိုတဲ့ အသိကြောင့် သူညွှန်ကြားခဲ့တဲ့အတိုင်း လိုက်နာဆောင်ရွက်ပေးခဲ့တာ တွေ့ရပါတယ်။
ဆိုက်ပရပ်စ် သမ္မတကတော့ သူ ဘာလို့လုပ်တယ်ဆိုတာ မရှင်းလင်းလှပေမယ့် အကြမ်းဖက်ဝါဒနဲ့တော့ မပတ်သက်ပါဘူးလို့ ပြောကြားခဲ့ပါတယ်။
တကယ်တော့ ဒီကနေ့ကမ္ဘာကြီးမှာ ဖြစ်ပျက်နေတဲ့ ပစ်ခတ်တိုက်ခိုက်မှုတွေ၊ ပြန်ပေးဆွဲသတ်ဖြတ်မှုတွေ၊ ဗုံးခွဲမှုတွေ အားလုံးဟာ အကြမ်းဖက်ဝါဒ၊ အကြမ်းဖက်အုပ်စုတွေက တိုက်ရိုက်ပတ်သက်နေတာ၊ သွယ်ဝိုက်ပတ်သက်နေတာတွေက အများစုဖြစ်နေတာကို ကမ္ဘာတ၀ှမ်းက ပြည်သူလူထုတွေ သိမြင်နားလည်ပြီး ဖြစ်တဲ့အတွက် ဒီ အီဂျစ်လေကြောင်းလိုင်း လေယာဉ်အပိုင်စီး ပြန်ပေးဆွဲမှုကိုလည်း အကြမ်းဖက်ဝါဒ၊ အကြမ်းဖက်အုပ်စုတွေနဲ့ တနည်းနည်းနဲ့ ပတ်သက်နေမှာပဲလို့ စဉ်းစားပြီး စိတ်ဝင်စားသူတွေ များပြားခဲ့တာပါ။ နောက် လေယာဉ်ပြန်ပေးဆွဲသူက လေယာဉ်စီးခရီးသည်တွေကို အစုချင်း တဖြည်းဖြည်း ပြန်လွှတ်ပေးပြီး နောက်ဆုံး ဆိုက်ပရပ်စ်နိုင်ငံ လုံခြုံရေး အာဏာပိုင်တွေဆီမှာ အညံ့ခံ လက်နက်ချလိုက်တဲ့ အချိန်မှာတော့ အော်…စိတ်မမှန်လို့ ထလုပ်လိုက်တဲ့ ကိစ္စပဲလို့ သဘောပေါက် စိတ်အေးသွားခဲ့ကြတာပဲ ဖြစ်ပါတယ်။
ဒါပေမယ့် ဒီလို လေယာဉ်ပြန်ပေးတယောက်က ဒီလို အသေခံဗုံးခွဲခါးပတ်တခုပတ်ပြီး လေယာဉ်ပေါ်ကို ဘယ်လိုရောက်လာနိုင်ခဲ့တာလဲ ဆိုတာကိုတော့ မလွဲမသွေ စဉ်းစားရမယ့် အကြောင်းတခု ဖြစ်နေပါတယ်။ ဒါက လေဆိပ်လုံခြုံရေးစနစ်နဲ့ သက်ဆိုင်ပါတယ်။ ဒါပေမယ့် အီဂျစ် ခရီးသွားလုပ်ငန်းဆိုင်ရာ ၀န်ကြီးဌာနကတော့ လေဆိပ်လုံခြုံရေး လုပ်ငန်းအားလုံး အပြည့်အ၀ ဆောင်ရွက်ထားခဲ့တယ်လို့ အခိုင်အမာ ပြောခဲ့ပါတယ်။ စောင့်ကြည့်စစ်ဆေး ကင်မရာမှာလည်း မူစတာဖာကို လုံခြုံရေးဝန်ထမ်း ၂ ယောက်က စမ်းသပ်ရှာဖွေတာနဲ့ သူ့ရဲ့ ခရီးဆောင်လွယ်အိတ်ကိုလည်း အိပ်ဆ်ခ်ရေးအောက်က ဖြတ်သန်း စစ်ဆေးခဲ့တာတွေကို တွေ့ခဲ့ရပါတယ်။
ဘီဘီစီသတင်းဌာနက ယူးဆွတ်တာဟာကလည်း မနှစ် အောက်တိုဘာလက ရုရှား မက်ထရိုဂျက်လေကြောင်းအမှတ် ၉၂၆၈ ဆိုင်းနိုင်းဒေသပေါ်မှာ ပေါက်ကွဲပျက်စီးသွားခဲ့ပြီးတဲ့ နောက်ပိုင်းကတည်းက အီဂျစ်လေဆိပ် လုံခြုံရေးကို တိုးမြှင့်ဆောင်ရွက်ထားပြီး ဖြစ်တယ်လို့ ပြောကြားခဲ့ပါတယ်။
နိုင်ငံတကာအရေး စဉ်းစားရင်းနဲ့ ကျနော်တို့နိုင်ငံမှာ လူထုရွေးချယ်တင်မြှောက်တဲ့ ဒေါ်အောင်ဆန်းစုကြည်နဲ့ သမ္မတ ဦးထင်ကျော် အစိုးရလက်ထက်မှာလည်း လေဆိပ်လုံခြုံရေးကို အထူးသတိထားဖို့ လိုအပ်လာပြီလို့ ယူဆမိပါတယ်။
စိုးနေလင်း
