Live
Home
မြန်မာသတင်း
သထုံ NLD အမတ်အမှု ယခုလကုန် အမိန့်ချမည်
DVB
·
November 14, 2021

ကျိုက်မရောဗဟို အကျဉ်းထောင်မှာ ဖမ်းဆီးထိန်းသိမ်းခံထားရတဲ့ သထုံမြို့နယ် ပြည်နယ် လွှတ်တော် ကိုယ်စားလှယ် ဒေါ်မာမာခိုင် အမှုကို အခုလကုန်မှာ အမိန့်ချမှတ်သွားမယ်လို့ မိသားစုဝင်တွေက DVB ကို ပြောပါတယ်။

အမျိုးသားဒီမိုကရေစီအဖွဲ့ချုပ် NLD ပါတီ လွှတ်တော်ကိုယ်စားလှယ် ဒေါ်မာမာခိုင်ကို စစ်ကောင်စီက ဝန်ထမ်းတွေ CDM မှာ ပါဝင်ဖို့ လှုံ့ဆော်တာ၊ စစ်အာဏာရှင် ဆန္ဒပြပွဲ ဦးဆောင်ခဲ့တယ်ဆိုတဲ့ စွဲဆိုချက်တွေနဲ့ ပုဒ်မ ၅၀၅(က)နဲ့ အမှုဖွင့်ထားတာ ဖြစ်ပါတယ်။

NLD အမတ် ဒေါ်မာမာခိုင်ကို ပြီးခဲ့တဲ့ ဇွန်လ ၁၁ ရက်နေ့မှာ စစ်ကောင်စီက ရာဇသတ်ကြီး ဥပဒေ ပုဒ်မ ၅၀၅(က) နဲ့ စွဲချက်တင် အမိန့်ချမှတ်ထားတာ ဖြစ်ပါတယ်။

လက်ရှိမှာတော့ ဒေါ်မာမာခိုင်အမှုအတွက် တရားခံပြ သက်သေတွေကို ဆက်လက် စစ်ဆေးနေပြီး၊ နိုဝင်ဘာလကုန်မှာ အမိန့်ချသွားဖို့ တရားရုံးဘက်က စီစဉ်ထားတယ်လို့ မိသားစုဝင်တစ်ဦးက ပြောပါတယ်။

ဒေါ်မာမာခိုင်နဲ့ ခင်ပွန်းဖြစ်သူ သထုံ NLD ပါတီ အလုပ်မှုဆောင်အဖွဲ့ ဦးဉာဏ်ထွန်းကို စစ်ကောင်စီက ပြီးခဲ့တဲ့ ဖေဖာ်ဝါရီ ၂၈ ရက်က နေအိမ်မှာ လာရောက်ဖမ်းဆီးသွားပြီးနောက် ပုဒ်မ ၅၀၅(က)နဲ့ ၂ ဦးစလုံးကို အမှုဖွင့်အရေးယူခဲ့တာ ဖြစ်ပါတယ်။

ဒါပေမယ့် ခင်ပွန်းဖြစ်သူ ဦးဉာဏ်ထွန်းကိုတော့ စစ်ကောင်စီက ပြီးခဲ့တဲ့ အောက်တိုဘာလမှာ အမှုပိတ်သိမ်းပြီး ပြန်လွှတ်ပေးထားတာ ဖြစ်ပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024