ဧရာဝတီတိုင်းအတွင်း CDM ကျန်းမာရေးဝန်ထမ်းများကို ဝန်ထမ်းအိမ်ရာမှ ဖယ်ရှား
DVB
·
June 14, 2021
ဧရာဝတီတိုင်း၊ ပြည်သူ့ကျန်းမာရေးဦးစီးဌာနက အာဏာဖီဆန် CDM လုပ်နေတဲ့ ပြည်သူ့ ဝန်ထမ်းတွေကို ဇွန်လ ၁၂ ရက်နေ့မှာ ဝန်ထမ်းအိမ်ရာကနေ ဖယ်ရှားပေးဖို့ အကြမ်းဖက်စစ်တပ်က ဖိအားပေးနေတယ်လို့ CDM ဝန်ထမ်းတွေထံက သိရပါတယ်။
“တိုင်းကျန်းမာရေးဦးစီးမှူး လက်မှတ်နဲ့ CDM လုပ်နေတဲ့ ဝန်ထမ်းတွေကို ချက်ချင်းဖယ်ပေး ခိုင်းတာ၊ ဝန်ထမ်းအိမ်ရာမှာနေတဲ့ CDM ဝန်ထမ်းတွေအကုန် ပြောင်းပေးလိုက်ရတယ်”လို့ CDM ကျန်းမာရေးဝန်ထမ်းတစ်ဦးက ပြောပါတယ်။
ဒါ့အပြင် တိုင်းအတွင်း မြို့နယ်၊ ခရိုင်ဆေးရုံဝင်းတွေ အတွင်း နေထိုင်နေတဲ့ CDM ဝန်ထမ်းတွေကိုလည်း စစ်ကောင်စီက ဝန်ထမ်းအိမ်ရာတွေကနေ ဖယ်ရှားနေခိုင်းနေတယ်လို့ သိရပါတယ်။
