စပိန်ကျွန်းတွင် ပျောက်ဆုံးခဲ့သည့် မိန်းကလေးငယ် ၁ ဦး အလောင်းပြန်တွေ့

photo-Reuters

စပိန်နိုင်ငံရဲ့ ကနေရီကျွန်းတွေထဲက အကြီးဆုံးဖြစ်တဲ့ တယ်နာရိဖှ်ကျွန်းကနေ ဧပြီလကတည်းက ပျောက်ဆုံးနေတဲ့ မိန်းကလေး ၂ ယောက်ကို ရှာဖွေနေရာမှာ ဇွန် ၁၀ ရက်မှာတော့ အလောင်း တစ်လောင်းကို တွေ့ရှိခဲ့ပါတယ်။ 

ကျွန်းရဲ့ ကမ်းရိုးတန်းကနေ  သုံးမိုင်အကွာမှာ ရေအောက်အနက် မီတာ ၁၀၀၀ မှာ ရှာဖွေရေးသင်္ဘောတစ်စီးရဲ့ ရေအောက်စက်ရုပ်ကနေ အလောင်းကို ရှာတွေ့ခဲ့တာလို့ ဒေသခံ မီဒီယာကနေ ဖော်ပြပါတယ်။ 

ရဲတွေဟာ ကျွန်းကို ပိုက်စိပ်တိုက်ရှာဖွေပြီး ရတဲ့ သဲလွန်စတွေဟာ အသက် ၁ နှစ်အရွယ် သမီးငယ်လေး အန်နာနဲ့ အသက် ၆ နှစ်အရွယ် သမီးငယ် အိုလီဗီယာတို့ရဲ့ဖခင် Tomas Gimeno ဆီကို ဦးတည်နေပါတယ်။ 

ကလေးတွေရဲ့မိခင် ဘီးထရစ်ဇ်နဲ့ ကလေးအုပ်ထိန်းခွင့် ခွဲယူထားတဲ့ Tomas Gimeno ဟာ သမီး ၂ ယောက်ကို ဧပြီ ၂၇ ရက်က ခေါ်ဆောင်သွားတာဖြစ်ပြီး  ကလေးတွေကို ပြန်လာအပ်ဖို့ သဘောတူညီထားခဲ့တဲ့အတိုင်း မလုပ်ခဲ့ပါဘူး။ 

Gimeno ရဲ့လှေဟာ ကလေးတွေ နောက်ဆုံးမျောပါသွားတဲ့နေရာမှာ ရှိနေတာကို ရဲတွေက တွေ့ရှိထားပြီး ကလေးတွေကို ပြန်ပေးဆွဲမှုဖြစ်နိုင်ခြေအတွက် စုံစမ်းစစ်ဆေးရင်း ကလေးတွေကို လည်း သမုဒ္ဒရာကြမ်းပြင်မှာ ရှာဖွေနေခဲ့တာပါ။ 

စပိန်ဝန်ကြီးချုပ်ကတော့ ကလေးအလောင်း ရှာဖွေတွေ့ရှိတဲ့သတင်းနဲ့ ပတ်သက်ပြီး သူ့ရဲ့တွစ်တာမှာ အန်နာနဲ့ အိုလီဗီယာတို့ရဲ့မိခင်ဖြစ်သူ နာကျင်မှုကို မမြင်ရက် နိုင်ပါဘူးလို့ ရေးသားခဲ့ပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up