စစ်ကိုင်းတိုင်း ယင်းမာပင်မြို့နယ်နဲ့ ဆားလင်းကြီးမြို့နယ်တို့က ကျေးလက်နေပြည်သူတွေရဲ့ စုပေါင်းသပိတ်ကို ဇွန်လ ၄ ရက်နေ့က မုံရွာပင်မသပိတ်က ကျောင်းသားသမဂ္ဂအဖွဲ့ဝင်တွေ လာရောက်ပူးပေါင်း ဝန်းရံပြီး လူအင်းအား ထောင်ချီနဲ့ ဆန္ဒပြခဲ့ကြ ပါတယ်။
ဆန္ဒပြပွဲကို ဝန်းရံပူးပေါင်းလာတဲ့ ဗမာနိုင်ငံလုံးဆိုင်ရာ ကျောင်းသားများသမဂ္ဂအဖွဲ့ချုပ် မုံရွာတက္ကသိုလ်ကျောင်းမှ အလုပ်မှုဆောင် မဖြူဖြူဝင်းက"ဒီစစ်အာဏာရှင်တော်လှန်ရေးမှာ ဘာမှမပါဝင်ပဲ ကြောက်နေတဲ့သူတွေရှိပြီး တုံ့ပြန်ရင် သေသွားမှာပေါ့လို့ ပြောနေတဲ့သူတွေကို ငုံ့ခံနေရင်ကော ရှင်မှာ သေချာလား မေးချင်တယ်လို့ ပြောပါတယ်။ ဒါ့အပြင် အခွင့်အရေး တစ်ခုကိုလိုချင်ရင် အဲဒီအခွင့်အရေးနဲ့ထိုက်တန်တဲ့ ပေးဆပ်မှုတွေရှိရမှာဖြစ်လို့ ဒီမိုကရေစီရချင်ရင်လည်း ရချင်ပါတယ်လို့ ထိုင်အော်နေလို့မရနိုင်သလို ရင်းသင့်တာကို ရင်းရမယ်” လို့ ပြောသွားပါတယ်။
ဒီနေ့ပြုလုပ်တဲ့ စစ်အာဏာရှင်တော်လှန်ရေးသပိတ်မှာ တောင်တန်းနှင့်ပြည်မ သွေးမကွဲပဲ စည်းလုံးကြမယ် စာသားတွေနဲ့အတူ စစ်ဘေးသင့်ပြည်သူတွေကို ဂုဏ်ပြုအားပေးထားတဲ့ ဆိုင်းပုဒ်တွေကိုင်ဆောင်ကာ ဆန္ဒဖော်ထုတ်ခဲ့တာဖြစ်ပါတယ်။