ဖက်စစ်တော်လှန်ရေးခေါင်းဆောင်တစ်ဦးဖြစ်တဲ့ ဗိုလ်မှူးကြီးဗထူး မွေးဖွားရာ တနင်္သာရီတိုင်းဒေသကြီး၊ လောင်းလုံးမြို့နယ်မှာ စစ်အာဏာရှင်ဆန့်ကျင်ရေး ဆန္ဒပြမှုတွေ အရှိန်အဟုန် မြင့်တက်နေဆဲ ဖြစ်ပါတယ်။
ဒီကနေ့ မေလ ၂၈ ရက်နေ့ မနက်ပိုင်းမှာတော့ လောင်းလုံးမြို့နယ် ညင်းမော်၊ ကဒက်ကြီး၊ မောင်းမကန်၊ တောင်မင်းပြောင်နဲ့မကျွန်းမော် ကျေးရွာတွေမှာ အကြမ်းဖက်စစ်ကောင်စီကို လက်မခံနိုင်ကြောင်း ဆန္ဒပြခဲ့ကြတာပါ။
ဆန္ဒဖော်ထုတ်ခဲ့တဲ့ ပြည်သူတွေကတော့ စစ်ကျွန်ပညာရေး အလိုမရှိကြောင်းနဲ့ စစ်အာဏာရှင်ပြုတ်ကျတဲ့အထိ ပြည်သူတစ်ရပ်လုံး တော်လှန်ပေးကြဖို့ တိုက်တွန်းခဲ့ပါတယ်။
တနင်္သာရီတိုင်းဒေသကြီး၊ လောင်းလုံးမြို့နယ်က ပြည်သူတွေဟာ အာဏာသိမ်း အကြမ်းဖက် စစ်ကောင်စီကို လက်မခံကြောင်း နေ့ရောညပါ သပိတ်မျိုးစုံပြုလုပ်ပြီး ရက်ဆက် တော်လှန်နေကြတာပါ။