ရန်ကုန်မြို့၊ တာမွေမြို့နယ် အထက ၁ တာမွေ ကျောင်း‌ဘေးအပြင်ဘက် ကားဂိတ်နားမှာ  မေလ ၁၉ ရက် ညပိုင်းက  ဗုံး ၂  လုံး အချိန်အနည်းငယ်ခြားပြီး ပေါက်သွားခဲ့တယ်လို့ သိရပါတယ်။

ဒီနေ့ည ၇ နာရီ ၅၅ မိနစ်မှာ တစ်လုံးပေါက်ခဲ့ပြီး  ၈ နာရီ ၂မိနစ်လောက်မှာ နောက်တစ်လုံးထပ်ပေါက်တာလို့ အနီးနားနေထိုင်သူတွေက ပြောပါတယ်။  အဲဒီကျောင်းနဲ့  UN ရုံးဟာလည်း မလှမ်းမကမ်းမှာရှိနေတာပါ။   ဗုံးပေါက်ကွဲမှု ပြင်းထန်တာကြောင့် ပေါက်ကွဲသံကို တာမွေကျောက်မြောင်းဘက်အထိ ကြားခဲ့ရတယ်လို့ ဒေသခံတွေက ပြောပါတယ်။ 

ပေါက်ကွဲမှုကြောင့် ထိခိုက်ဒဏ်ရာရသူတချို့ရှိတယ်လို့ သတင်းတွေထွက်နေပေမဲ့ သီးခြား အတည်ပြုနိုင်ခြင်းတော့ မရှိသေးပါဘူး။ လက်ရှိမှာ သိရသလောက် အထက  ၁ အနီးဝန်းကျင်မှာ စစ်ကား ၃ စီး ထက်မနည်း ရှိနေပါတယ်။

အဝိုင်းထိပ်ဘက်ကိုလည်း စစ်ကောင်စီတပ် ကားကြီး ၁ စီး ရောက်ပြီး စောင့်နေတယ်လို့ တာမွေဒေသခံတွေက ဆိုပါတယ်။

Photo-BEHS 1 Tamwe