ချင်းပြည်နယ်၊ Surkhua မြို့ရှိ အကြမ်းဖက်စစ်အာဏာရှင်ရဲ့ တပ်စခန်းကို ဒီနေ့ မနက်ပိုင်း ၁၁ နာရီခွဲ ဝန်းကျင်လောက်က သိမ်းပိုက်ခဲ့တယ်လို့ CDF-Hakha က ထုတ်ပြန်ပါတယ်။

အကြမ်းဖက်စစ်အုပ်စု ခြေကုတ်ယူထားတဲ့ နေအိမ် ၄ နဲ့အတူ စာရွက်စာတမ်းအချို့ကို မီးရှို့ဖျက်ဆီးခဲ့ပြီး လက်နက်တွေလည်း သိမ်းယူခဲ့တယ်လို့ ဆိုပါတယ်။

ချင်းပြည်သူ့ကာကွယ်ရေးတပ် (CDF) ကို ငြိမ်းချမ်းစွာ ဆန္ဒဖော်ထုတ်သူတွေ၊ CDM ဝန်ထမ်းတွေ၊ အပြစ်မဲ့ပြည်သူတွေအား နည်းမျိုးစုံနဲ့ စစ်ဆေးမေးမြန်းတာ၊ နှောင့်ယှက် ဖမ်းဆီးတာ၊ သတ်ဖြတ်မှုတွေ ဆက်လက်ပြုလုပ်နေတဲ့ စစ်အာဏာရှင်စစ်ကောင်စီရန်မှ ကာကွယ်သွားဖို့ ချင်းပြည်နယ် (၉)မြို့နယ်နဲ့ ပြည်နယ်ပြင်ပရှိ ချင်းအမျိုးသားတွေက ဧပြီ ၄ ရက်နေ့မှာ စတင်ဖွဲ့စည်းလိုက်တာလို့ သိရပါတယ်။