အခွန်ဆောင်နောက်ကျသူများကို ဒဏ်ငွေရိုက်မည်ဟု စစ်ကောင်စီအကြမ်းဖက်အဖွဲ့ ခြိမ်းခြောက်

အခွန်ထမ်းပြည်သူတွေအနေနဲ့ အခွန်ဆောင်တာနောက်ကျရင်  ဒဏ်ကြေးပေးဆောင်ရမယ်လို့  အာဏာသိမ်း အကြမ်းဖက်စစ်ကောင်စီက အသိပေးကြေညာလိုက်ပါတယ်။ 

ပြည်တွင်းအခွန်များဦးစီးဌာနက ပုံမှန်ကောက်ခံနေတဲ့  အခွန်အမျိုးအစားတွေဖြစ်တဲ့ ဝင်ငွေခွန်၊ ကုန်သွယ်လုပ်ငန်းခွန်၊ အထူးကုန်စည်ခွန်နဲ့ တံဆိပ်ခေါင်းခွန်စတဲ့အခွန်လေးမျိုးအတွက်  သတ်မှတ်ရက်အတွင်းအခွန် မပေးသွင်းရင် အခွန်ဆိုင်ရာစီမံအုပ်ချုပ်မှုဥပဒေအရ  ဒဏ်ကြေးငွေပေးဆောင်ရမယ်လို့ စစ်ကောင်စီသိမ်းပိုက်ထားတဲ့ နိုင်ငံပိုင်သတင်းစာကနေ တစ်ဆင့် မေလ ၆ ရက်နေ့မှာ အသိပေးကြေညာခဲ့တာဖြစ်ပါတယ်။

စစ်ကောင်စီအကြမ်းဖက်အဖွဲ့ဟာ  ကိုဗစ်ကာလအတွင်း အန်အယ်လ်ဒီ အစိုးရက သက်သာခွင့်ပေးခဲ့တဲ့ အခွန်အခတွေကို မေလဆန်းကစပြီး ပြန်လည်ကောက်ခံနေပါတယ်။

စစ်ကောင်စီကနည်းလမ်းမျိုးစုံနဲ့ပိုက်ဆံရဖို့ကြိုးစားနေတာဖြစ်ပြီး အခွန်ကောက်ခံတာတွေဟာ အခြေခံပြည်သူတွေအပေါ်အကျိုးသက်ရောက်မှုအများဆုံးဖြစ်လာမယ်လို့ စီးပွားလုပ်ငန်းရှင်တွေက ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up