မန္တလေးမြို့အတွင်း ကျူးကျော်ရပ်တွေမှာ နေထိုင်တဲ့ စားဝတ်နေရေးမပြေလည်သူတွေကို ဧပြီ ၂၀ ရက်နေ့က ဘာသာပေါင်းစုံ စုပေါင်းပြီး အခြေခံစားသောက်ကုန်တွေ လှူဒါန်းခဲ့ကြပါတယ်။

မန္တလေးမြို့ လေးပြင်လေးရပ် သံဃာတော်တွေ၊ စိန့်ဂျိုးဇက် ကက်သလစ် ခရစ်ယာန် သီလရှင်တွေ၊ အစ္စလာမ်ဘာသာဝင်တွေနဲ့ ဟိန္ဒူဘာသာဝင်တွေ စုပေါင်းလှူဒါန်းတာဖြစ်ပြီး အိမ်ထောင်စု ၃၀၀ ကို ဆန်၊ ဆီ၊ အာလူး ကြက်သွန် စတဲ့ အ​ခြေခံစားသောက်ကုန်တွေ လှူဒါန်းခဲ့တာပါ။

အရင်ကလည်း မန္တလေးမြို့ လေးပြင်လေးရပ် သံဃာတော်တွေ၊ စိန့်ဂျိုးဇက် ကက်သလစ် ခရစ်ယာန်သီလရှင်တွေ ပူးပေါင်းပြီး မီးဘေးသင့် အစ္စလာမ်ဘာသာဝင်တွေကို လှူဒါန်းတာတွေ လုပ်ခဲ့ကြပါတယ်။