ရေးမြို့၌ စစ်အာဏာရှင်ဆန့်ကျင်ရေး ပြည်သူလူထု ဆက်လက်ဆန္ဒပြ
DVB
·
February 15, 2021
မွန်ပြည်နယ် ရေးမြို့မှာ စစ်အာဏာရှင်ဆန့်ကျင်တဲ့အနေနဲ့ ဖေဖော်ဝါရီ ၁၅ ရက် မနက်က ၈ ရက်မြောက်နေ့အဖြစ် ထောင်နဲ့ချီတဲ့ ပြည်သူတွေက စစ်အာဏာရှင် အလိုမရှိကြောင်း ဆန္ဒပြခဲ့ကြပါတယ်။
ဖမ်းဆီးထားတဲ့ နိုင်ငံတော်သမ္မတ ဦးဝင်းမြင့်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို အမြန်ပြန်လွှတ်ပေးဖို့နဲ့ ရွေးကောက်ပွဲအနိုင်ရရှိထားတဲ့ ကိုယ်စားလှယ်တွေနဲ့ လွှတ်တော် ပြန်လည်ကျင်းပဖို့လည်း တောင်းဆိုပါတယ်။
ဆန္ဒပြတဲ့သူတွေထဲမှာ ကျန်းမာရေး၊ ပညာရေး၊ မြို့နယ်လျှပ်စစ် မြန်မာ့မီးရထား၊ မြေစာရင်း ဦးစီးဌာနမှ ၀န်ထမ်းတွေ ဒေသခံပြည်သူတွေနဲ့အတူ ပူးပေါင်း ဆန္ဒပြခဲ့ကြပေမယ့် အခုရက်ပိုင်း ညဘက်တွေမှာ လုံခြုံရေးတပ်ဖွဲ့ဝင်တွေရဲ့ ဖမ်းဆီးမှုတွေကြာင့် CDM မှာ ပါဝင်ကြတဲ့ အစိုးရဌာန ၀န်ထမ်းတချို့ ရှောင်တိမ်းနေရပါတယ်။
နေမျိုးထွဋ် (ရေး)
