ပဲခူးတိုင်း ကျောက်တံခါးမြို့နယ် ကျန်းမာရေး ဝန်ထမ်းတွေနဲ့ ဆေးရုံ ၅ ခုဟာ အကြမ်းမဖက် အာဏာဖီဆန်ရေးလှုပ်ရှားမှု (CDM) ကို တစ်မြို့နယ်လုံး အတိုင်တာအနေနဲ့ ပြုလုပ်နေကြပါတယ်။
လက်ရှိဆေးရုံတွေ အနေအထားမှာတော့ မြို့နယ်ဆေးရုံမှာရော၊ တိုက်နယ်ဆေးရုံတွေမှာ တက်လက်စ လူနာတွေပဲ ရှိပြီး အရေးပေါ် လူနာကိုတော့ မြို့နယ်ဆေးရုံ အပါအဝင် တိုက်နယ်ဆေးရုံနှစ်ခုမှာသာ လက်ခံမယ်လို့ မြို့နယ်ဆရာဝန်ကြီး ဒေါက်တာ သန့်လွင်က ပြောပါတယ်။
ဒါ့အပြင် ရန်ကုန်နဲ့ ရပ်ဝေးပြန်တွေရဲ့ ကိုဗစ်-၁၉ swab ကိုလည်း ယူပေးမှာ မဟုတ်တော့ပါဘူးလို့ ကျေးလက်ကျန်းမာရေး ဦးစီးဌာနမှ ဒေါ်ဇင်မာက ပြောပါတယ်။
“ကျမတို့ CDM ပြုလုပ်ပါပြီ။ ပြည်သူနှင့်အတူ အာဏာရှင်ကို တွန်းလှန်ပါမယ်။ ပြည်သူရွေးချယ်တင်မြှောက်ထားတဲ့ အစိုးရ ပြန်တက်လာသည်အထိ လှုပ်ရှားမှု ဆက်လုပ်သွားမယ်။”
ကျောက်တံခါးမြို့နယ်မှာ ဒေသအလိုက် ကျန်းမာရေးဝန်ထမ်းတွေဟာ ဖေဖော်ဝါရီ ၆ ရက်နေ့ကစပြီး အာဏာဖီဆန်ရေး လှုပ်ရှားမှု ပြုလုပ်ပြီး ဆေးရုံအချို့ စတင်ပိတ်ထားရာကနေ ၇ ရက်နေ့မှာတော့ တစ်မြို့နယ်လုံး အတိုင်းအတာ ပြုလုပ်ခဲ့တကြာတာပါ။
ပဲခူးတိုင်းအတွင်း ၂၈ မြို့နယ်မှာတော့ ကျောက်တံခါးမြို့နယ် ကျန်းမာရေး ဝန်ထမ်းတွေက CDM လှုပ်ရှားမှုကို တစ်ညီတစ်ညွတ်တည်း လုပ်ဆောင်နိုင်ခဲ့တဲ့ မြို့နယ် ဖြစ်ပါတယ်။
သတင်း - ဗိုလ်သူရိန်