ဩစတြေးလျ မူးယစ်ဆေးဝါးစစ်ဆင်ရေးအတွင်း တရားခံ ၁၃၇ ဦး ဖမ်းမိ

သြစတြေးလျနိုင်ငံမှာ မူးယစ်စစ်ဆင်ရေးအတွင်း နိုဝင်ဘာနဲ့ ဒီဇင်ဘာ ၉ ရက်တာကာလမှာ တရားခံ ၁၃၇ ယောက်နဲ့ သြစတြေးလျ ဒေါ်လာ ၁၇၄,၀၀၀ ကျော် တန်ဖိုးရှိတဲ့ မူးယစ်ဆေးတွေကို ဖမ်းဆီးရမိခဲ့ပါတယ်။  ဆစ်ဒနီမြို့ စစ်ဆင်ရေးအတွင်း အာဏာပိုင်တွေက သြစတြေးလျ ဒေါ်လာ ၁၁၂,၀၀၀ ကျော်ကိုလည်း သိမ်းဆည်းရမိခဲ့ပါတယ်။  ဒါဟာ ၂၀၁၇ နောက်ပိုင်း စစ်ဆင်ရေးတစ်ခုအတွင်း အရေအတွက်အများဆုံး ဖမ်းမိတာလို့ အာဏာပိုင်တွေက ဒီဇင်ဘာ ၈ ရက်မှာ ပြောပါတယ်။ နယူးဆောက်ဝေးပြည်နယ်မှာ ကိုရိုနာဗိုင်းရပ်စ် ကန့်သတ်ချက်တွေ ဖြေလျှော့လိုက်ကတည်းကစပြီး တရားမဝင်ပစ္စည်းတွေ ပို့ဆောင်ဖို့ ဖုန်းခေါ်ဆိုတဲ့ အရေအတွက် သိသိသာသာ တိုးလာခဲ့တယ်လို့လည်း ရဲတပ်ဖွဲ့ သတင်းထုတ်ပြန်ချက်မှာ ဖော်ပြပါတယ်။ ဒီဖမ်းဆီးမှုနဲ့ ပတ်သက်လို့ လူ ၇၇ ယောက်ကို မူးယစ်မှောင်ခိုမှုနဲ့ စွဲချက်တင်ပြီး လူ ၆၀ ကို မူးယစ်ဆေး လက်ဝယ်တွေ့ရှိမှုနဲ့ စွဲချက်တင်ထားတယ်လို့ ရိုက်တာသတင်းမှာ ဖော်ပြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up