မင်းကင်းမြစ်ရိုးတ​လျှောက်​ လမ်းပိုင်း​များ အဆင့်မြှင့်တင်​ပေးရန် ​ဒေသခံများ တောင်းဆို

စစ်ကိုင်းတိုင်း​၊ က​လေးခရိုင်၊ မင်းကင်းမြို့နယ် ချင်းတွင်းမြစ်အထက်ပိုင်းမှာ အသစ်​ ဖောက်လုပ်ထားတဲ့ တစ်​ကြောင်းထိုးလမ်း​တွေကို ရာသီမ​ရွေးသွားလာလို့ရအောင် အဆင့်မြှင့်တင်​ပေးဖို့ ​ဒေသခံတွေက တောင်းဆိုလိုက်ပါတယ်။ ​ရှေးယခင်ကတည်းက ချင်းတွင်းမြစ်ရိုးအထက်ပိုင်း​ဒေသခံ​တွေဟာ ​ကျန်းမာ​ရေး၊ လူမှု​ရေး၊ စီးပွား​ရေး အစစအရာရာ ရေလမ်း​​ကြောင်းတစ်ခုတည်းကိုသာ အားကိုးသွားလာ​နေကြရတာ ဖြစ်ပါတယ်။  အသစ်​​ဖောက်လုပ်ထားတဲ့ တစ်​ကြောင်းထိုးလမ်းပိုင်း​တွေ အဆင့်မြှင့်တင်ပေးဖို့ ​ဆောက်လုပ်​ရေးဝန်ကြီးဌာန ဒုတိယဝန်ကြီး ​ဒေါက်တာ​ကျော်လင်းနဲ့​ ဒေသခံပြည်သူ​တွေ့ဆုံပွဲမှာ ပြည်သူ​တွေရဲ့ တင်ပြ​ တောင်းဆိုခဲ့ကြတာပါ။ ​လျှော်ဖြူပင်​ကျေးရွာ​နေ ဦးသိန်းမြင့်က “မင်းကင်းမြစ်ရိုးတလျှောက်မှာ အရင်က ​ရေလမ်းတခုပဲ အားကိုးသွားလာ​နေရတာ​ကြောင့် ဒီလမ်း​ဖောက်​ပေးတဲ့အတွက် သွားလာမှု ​တော်​တော်​လေးအဆင်​ပြေ​နေပါပြီ။ ကျ​နော်တို့​ ဒေသတ​လျှောက်ဟာ ကုန်​ရောင်းကုန်ဝယ် အစစအရာရာ က​လေးဝကိုလည်း အမှီပြုပြီး ​သွားလာကြရတဲ့အတွက် အခုကစပြီး သွားလာ​နေကြသလို တစ်​ကြောင်းထိုးပြီးတာနဲ့ ဒီလမ်းကိုအဆင့်မြှင့်​ပေးဖို့ ​တောင်းဆိုချင်ပါတယ်” လို့ ပြောပါတယ်။ ​မြောက်ချွန်း​ကျေးရွာနေ ဦးသိန်းထွန်းဦးက “၁၂ ရာသီပတ်လုံး သွားလာနိုင်တဲ့ လမ်းဖြစ်ခဲ့ရင်​တော့ ဒီဘက်မြစ်ရိုးခြမ်းက လူ​​တွေအကုန်လုံး အထက်ညာဘက်ခြမ်းက လူ​တွေအကုန်လုံး စီးပွား​ရေးကအစ အားလုံးဖြိုးတိုးတက်လာလိမ့်မယ် ထင်ပါတယ်” လို့ ​ပြောပါတယ်။ ဒီလမ်းပိုင်း​တွေကို အဆင့်မြှင့်တင်​ပေးနိုင်အောင် အစိုးရဆီက ရန်ပုံ​ငွေ​တောင်းခံသွားမယ်လို့ မင်းကင်းမြို့နယ် ​ကျေးလက်လမ်းဖွံ့ဖြိုး​ရေးဦးစီးဌာန မြို့နယ်တာဝန်ခံ ဦးဘွဲ့ဇာလျန်က ​ပြောပါတယ်။ “ဖောက်လုပ်တဲ့လုပ်ငန်းနဲ့ပတ်သက်တဲ့အခါ ပြည်​ထောင်စု ပြင်ထိန်း ရန်ပုံ​​ငွေက​နေ ကျခံပါတယ်ဗျ။ ​ဖောက်လုပ်ပြီးသားပြင်တာက ၁၆ မိုင်၊ အသစ် ဖောက်လုပ်တာက ၆၇ မိုင်နဲ့ ၆ ဖာလုံရှိပါတယ်။ အကျိုးပြု​ကျေးရွာက​တော့ ​ကျေးရွာ​ပေါင်း ၆၀ ရှိပါတယ်။ လက်ရှိ​ဖောက်လုပ်တာက​တော့ ၁၈ ​ပေ လမ်း​ကြောင်း​ဖောက်လုပ်ဖို့အတွက် ​ပေ ၃၀ ယူပါတယ်။ ဒီလမ်းကို​​တော့ အစိုးရဆီက ရန်ပုံ​ငွေ​တောင်းခံပြီး​တော့ ဆက်လက်​ဆောင်ရွက်သွားဖို့ရှိပါတယ်။”

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up