DNA စစ်ဆေးခြင်းအကြောင်း သိချင်နေတဲ့မေးခွန်းများ

အခုလတ်တလော ဖြစ်ပွားနေတဲ့ သက်ငယ်မုဒိမ်းကိစ္စနဲ့ ပတ်သက်ပြီး DNA စစ်ဆေးတဲ့အကြောင်းတွေ လူတွေကြားထဲ သိချင်လာကြပါတယ်။ ဒါတင်မကပါဘူး။ အမှုအခင်းတခုခု ဖြစ်ပြီဆိုတာနဲ့ DNA စစ်ကြည့်လိုက်။ DNA လောက်မှန်တဲ့အဖြေ မရှိဘူး။ DNA ကိုက်နေရင် အဲဒီသူက တရားခံပဲဆိုတဲ့ အကြောင်းလေးတွေ ကြားဖူးမှာပါ။ ဒီလိုပဲ သွေးသားတော်စပ်တဲ့ ကိစ္စတွေမှာလည်း DNA စစ်လိုက်ရင် အားလုံး အဖြေပေါ်သွားမယ် ဆိုတာတွေက အမြဲကြားနေကျ ကိစ္စတွေပါ။ ဒီတော့ DNA ဆိုတာဘာလဲ။ DNA စစ်ဆေးတယ် ဆိုတာကရော ဘာလဲ မသိချင်ကြဘူးလား။ DNA ဆိုတာဘာလဲ။ DNA ဆိုတာ Deoxyribonucleic Acid ရဲ့ အတိုကောက်ကို ခေါ်တာဖြစ်ပါတယ်။ ကွန်ပျူတာတွေမှာ code ကုဒ်တွေက အဓိကဆို လူတွေမှာလည်း DNA ဆိုတာ အဓိကကုဒ်တွေပါပဲ။ လူတယောက်ရဲ့ ဆဲလ်တခုချင်းစီဟာ ပုံစံတူ DNA ကုဒ်တွေနဲ့ ဖွဲ့စည်းထားပြီး လူတဦးစီတိုင်းဟာ ကိုယ်ပိုင် DNA တွေ ရှိကြပါတယ်။ ကိုယ်ခန္ဓာမှာ AT နဲ့ CG လို့ခေါ်တဲ့ ကြောင်လိမ်လှေကားပုံသဏ္ဌာန် DNA letters အတွဲပေါင်း ၃ ဘီလျံခန့်ရှိပြီး တယောက်နဲ့တယောက်မှာ ဖွဲ့စည်းထားတဲ့ DNA ကုဒ်ချင်းက မတူပါဘူး။ ဒါ့ကြောင့် DNA ဟာ တရားခံပေါ်အောင် အမှုလိုက်တဲ့နေရာမှာ အဓိကကျတဲ့ သက်သေအဖြစ် အသုံးအဝင်ဆုံးအရာ ဖြစ်လာတာပါ။ DNA တခုက ဘယ်လောက်ခံလဲ။ DNA တခုရဲ့ သက်တမ်း ဘယ်လောက်ရှိလဲဆိုတာလည်း စိတ်ဝင်စားစရာ အချက်တခုပါ။ DNA တခုရဲ့သက်တမ်းက နှစ်ပေါင်း ၆ ဒသမ ၈ သန်းတောင်ရှိပါတယ်။ လေ့လာချက်တွေအရ DNA မော်လီကျူးတခုရဲ့ ချိတ်ဆက်ထားတဲ့ အတွဲပေါင်း တဝက်လောက် ပျက်သွားပါစေဦး DNA တခုက နှစ်ပေါင်း ၅၂၁ နှစ်တောင် ခံပါတယ်တဲ့။ DNA တွေက ပျက်စီးသွားတတ်လား။ ဒီ အရမ်းအသုံးဝင်တဲ့ DNA ဟာ ရေနဲ့ နေနဲ့ ထိသွားရင် အထဲမှာပါတဲ့ အင်ဇိုင်းတွေ ဖျက်ဆီးခံလိုက်ရသလိုဖြစ်ပြီး ပျက်စီးသွားတတ်ပါတယ်။ ဒါပေမယ့် လုံးဝ အစအနပါ ရှာမရအောင် ဖျက်ဆီးဖို့ဆိုရင်တော့ Bleach (အစွန်းချွတ်ဆေး) လိုမျိုး ပြင်းထန်တဲ့ ဓာတုပစ္စည်းတွေ အသုံးပြုမှ ရနိုင်ပါတယ်။ DNA စစ်ဆေးခြင်းကို ဘယ်လိုလုပ်ဆောင်ကြလဲ။ ကိုယ်ခန္ဓာပေါ်ကဆံပင်၊ သွေး၊ အရေပြား၊ သုတ်ရည်နဲ့  အခြားတစ်ရှူးဆဲလ်တွေကို သုံးပြီး DNA ကို စစ်ဆေးကြပါတယ်။ ဥပမာ မှုခင်းဖြစ်ပွားတဲ့နေရာမှာ တရားခံရဲ့ ဆံပင်ဖြစ်ဖြစ် သွေးဖြစ်ဖြစ် ကျန်ခဲ့ရင် အဲဒါကို DNA စစ်ပြီးရင် သံသယရှိတယ်လို့ ယူဆရတဲ့ လူတွေရဲ့ ဆံပင်နဲ့ သွေးတွေကို DNA စစ်ပြီး ကိုက်ညီမှုရှိမရှိ ဆောင်ရွက်တာကို ပြောတာပါ။ ဒါတွေကို ဓာတ်ခွဲခန်းထဲမှာ ကျွမ်းကျင်ပညာရှင်တွေနဲ့ လုပ်ဆောင်တာဖြစ်ပြီး ရလာတဲ့ စစ်ဆေးချက်အဖြေကို သက်ဆိုင်ရာ တာဝန်ရှိသူထံ လက်ရေးမူနဲ့ ပို့ပေးရတာဖြစ်ပါတယ်။ အမှုရင်ဆိုင်နေရလို့ မဟုတ်ဘဲ ကိုယ့်သဘောနဲ့ကိုယ် DNA စစ်ချင်တယ်ဆိုရင်တော့ မစစ်ခင် DNA စစ်ဆေးခြင်းကြောင့် ရလာမယ့် ကောင်းကျိုး ဆိုးပြစ်တွေ အားလုံးကို သိရှိပြီး သဘောတူကြောင်း လက်မှတ်ရေးထိုးဖို့တော့ လိုပါလိမ့်မယ်။ DNA စစ်ဆေးချက် လုပ်ဆောင်တော့မယ်ဆိုရင် ဘယ်အဆင့်တွေက အရေးကြီးလဲ။
  • Ideneifying – အခင်းဖြစ်ပွားတဲ့နေရာကနေ DNA ရနိုင်မယ့် အရာတွေကို ရှာမယ်
  • Collecting – ရနိုင်သမျှ သက်သေတွေကို စုဆောင်းမယ်
  • Transporting – စုဆောင်းထားတဲ့ သက်သေတွေကို သက်ဆိုင်ရာနေရာရောက်အောင် စနစ်တကျ သယ်သွားမယ်
  • Storing – ရရှိလာတဲ့ DNA သက်သေတွေကို စနစ်တကျ သိမ်းဆည်းထားမယ်။ စတာတွေက အရေးကြီးတဲ့ အဆင့်တွေပါ။
ဒီအထဲမှာမှ အရေးအကြီးဆုံးကတော့ Collecting စုဆောင်းတဲ့အဆင့် ဖြစ်ပါတယ်။ ဘာ့ကြောင့်လဲဆိုတော့ သက်သေတွေကို မစုဆောင်းနိုင်ရင် အဖြစ်မှန်ပေါ်မှာ မဟုတ်သလို စုဆောင်းတဲ့ အချိန်မှာလည်း စနစ်တကျ မစုဆောင်းခဲ့ရင် သက်သေတွေ ပျက်စီးသွားနိုင်တာကြောင့်ပါ။ အထူးသဖြင့် မှုခင်းဖြစ်ပွားခဲ့တယ်ဆိုရင် ခံလိုက်ရတဲ့ တရားလိုအနေနဲ့ မှုခင်းဖြစ်ပြီးပြီးချင်း အင်္ကျီလဲလိုက်တာ၊ ရေချိုးလိုက်တာ၊ ရေဆေးလိုက်တာမျိုးတွေ လုံးဝမလုပ်သင့်ပါဘူး။ စုဆောင်းတဲ့ မှုခင်းအရာရှိ အနေနဲ့လည်း DNA တွေ ရောထွေးမသွားစေဖို့ လက်အိတ်နဲ့ စနစ်တကျကိုင်ပြီး တခုချင်း သေချာခွဲသိမ်းထားတာမျိုး လုပ်သင့်ပါတယ်။ ဘယ်လိုနေရာတွေကနေ DNA စစ်ဆေးခြင်း လုပ်ဆောင်လို့ရလဲ။ ခန္ဓာကိုယ်ကနေထွက်တဲ့ အရည်တိုင်းလိုလိုမှာ DNA စစ်ဆေးလို့ ရပါတယ်။ အထူးသဖြင့်တော့
  • တရားလိုရဲ့ ကိုယ်ခန္ဓာဆီမှာ ကျန်နေနိုင်ခဲ့တဲ့ တရားခံရဲ့ သုတ်ရည်၊ တံတွေး၊ သွေး
  • တရားလိုရဲ့ လက်သည်းထဲက တရားခံရဲ့ အသားစတွေ
  • တရားလိုရဲ့ အင်္ကျီပေါ်မှာ ကပ်ကျန်နိုင်ခဲ့တဲ့ ဆံပင်
  • တရားလိုရဲ့ မိန်းမကိုယ်၊ စအိုဝ၊ ပါးစပ် စတာတွေအားလုံးက DNA စစ်ဆေးလို့ရနိုင်တဲ့ နေရာတွေပဲ ဖြစ်ပါတယ်။
DNA တခါစစ်ဆေးရင် ဘယ်လောက်ကြာတတ်လဲ။ DNA စစ်ဆေးခြင်း တခါလုပ်ရင် ၃ ရက်လောက်အထိ ကြာတတ်ပြီး မှုခင်းဖြစ်ပွားတဲ့ နေရာကနေ စစ်ဆေးချက် အဖြေထွက်တဲ့အထိဆိုရင် တခါတရံ ၁၄ ရက်လောက်အထိ ကြာသွားတတ်ပါတယ်။ အဲဒီအချိန်လောက်ဆိုရင် တရားခံဖြစ်သူက ထွက်ပြေးလွတ်မြောက်နိုင်သွားတဲ့အတွက် ခုနောက်ပိုင်း DNA ကို ၂ နာရီအတွင်း အပြီးသတ်စစ်ဆေးလို့ရမယ့် နည်းတွေ စမ်းသပ်လျက်ရှိပါတယ်။ DNA စစ်ဆေးပြီး အမှုတွေကို ဘယ်လိုဖော်ထုတ်ကြလဲ။ အမှုဖော်ထုတ်တဲ့နေရာမှာ အသုံးများတဲ့ DNA စစ်ဆေးခြင်းက polymerase chain reaction (PCR) စစ်ဆေးနည်းပဲ ဖြစ်ပါတယ်။ စုဆောင်းရလာတဲ့ သက်သေပစ္စည်းတွေကို PCR နည်းနဲ့ DNA စစ်ဆေးခြင်းအားဖြင့် သန်းနဲ့ချီထွက်လာပြီး ထွက်လာတဲ့ DNA Copy တွေကို သံသယရှိသူရဲ့ DNA နဲ့ ပြန်ပြီး တိုက်စစ်တာပါ။ DNA စစ်ဆေးခြင်းက ဘယ်လောက်တိကျတဲ့အဖြေကို ပေးသလဲ။ စုဆောင်းရလာတဲ့ DNA က အရည်အသွေးပိုင်း ထိခိုက်ထားတာလည်း မရှိဘူး၊ လုံလောက်တဲ့ ပမာဏလည်း ဖြစ်မယ်ဆိုရင် DNA က ထုတ်ပေးတဲ့ မှုခင်းအဖြေက ၉၉ ဒသမ ၉ ရာခိုင်နှုန်း တိကျမှန်ကန်မှု ရှိပါတယ်။ DNA အဖြေကို လှည့်စားလို့ရလား။ DNA စစ်ဆေးတယ်ဆိုတာ စုဆောင်းရလာတဲ့ သက်သေတွေကိုပဲ စစ်ဆေးရတာ ဖြစ်တဲ့အတွက် ရလာတဲ့ သက်သေကို အစားထိုးလိုက်တာမျိုး ဆိုရင်တော့၊ လဲလိုက်တာမျိုးဆိုရင်တော့ စစ်ဆေးချက် ထွက်လာတဲ့အဖြေက တကယ်အဖြစ်မှန်နဲ့ ကွဲလွဲမှုလေးတွေ ရှိနေပါလိမ့်မယ်။ ခုလို သက်သေပစ္စည်းတွေကို လဲလိုက်တာမျိုး၊ ဖျက်ဆီးလိုက်တာမျိုးတွေ မရှိခဲ့ဘူးဆိုရင် သေချာစုဆောင်း သိမ်းဆည်းထားမယ်ဆိုရင် DNA က တရားခံကို  အတိအကျ ဖော်ထုတ်ပေးနိုင်မယ့် အမှန်တရားဘက်တော်သားတယောက်ပါ။        ။ ဤဆောင်းပါးကို DVB ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up