စပိန်လွှတ်တော် အစည်းအဝေးကျင်းပ၊ ထောင်ကျနေသည့် ကာတာလန်ခေါင်းဆောင် ၄ ဦး တက်ရောက်

စပိန်လွှတ်တော် ပထမဆုံး အစည်းအဝေးကို မေလ ၂၁ ရက်နေ့က စတင်ကျင်းပပြီး ထောင်ကျနေတဲ့ ကာတာလန် ခွဲထွက်ရေးခေါင်းဆောင် ၄ ယောက် တက်ရောက်ခဲ့ပါတယ်။ ဒါ့အပြင် လက်ယာဝါဒီ လွှတ်တော်အမတ် ၂၄ ယောက်နဲ့ အကြီးမားဆုံး ဆိုရှယ်လစ်အဖွဲ့တို့လည်း အစည်းအဝေး တက်ရောက်ခဲ့ပါတယ်။ တားမြစ်ထားတဲ့ ကာတာလန်လွတ်လပ်ရေး ဆန္ဒခံယူပွဲအတွက် ထောင်ကျနေတဲ့  ခေါင်းဆောင် ၄ ယောက် ရောက်လာချိန်မှာတော့ ခွဲထွက်ရေးဝါဒီတွေနဲ့ အမျိုးသားရေးဝါဒီတွေက လက်ခုပ်သြဘာတီးပြီး ကြိုဆိုခဲ့ကြတာပါ။ တခြားထောင်ကျနေတဲ့ ကာတာလန်ခေါင်းဆောင် တယောက်ကိုတော့ အထက်လွှတ်တော်မှာ ရွေးကောက်တင်မြှောက်ခဲ့ပါတယ်။ တရားရုံးချုပ်က ကာတာလန်ခေါင်းဆောင်တွေ အနေနဲ့ ထောင်ထဲပြန်မဝင်ခင် သူတို့အထောက်အထားတွေကို ယူပြီး လွှတ်တော်အစည်းအဝေး တက်ရောက်နိုင်တယ်လို့ ဆုံးဖြတ်ခဲ့တာပါ။ လွှတ်တော်ကို တက်ရောက်လာတဲ့ အဲဒီခေါင်းဆောင် ၄ ယောက်နဲ့ တခြား ကာတာလန် ခေါင်းဆောင် ၇ ယောက်တို့ဟာ ပုန်ကန်မှု၊ နိုင်ငံတော်အကြည်ညိုပျက်စေမှုနဲ့ အများပြည်သူရန်ပုံငွေ အလွဲသုံးစားပြုမှု စတဲ့စွဲချက်တွေ ရင်ဆိုင်နေရပြီး သူတို့အားလုံးကတော့ အဲဒီစွဲချက်တွေကို ငြင်းဆိုထားပါတယ်။ ကာတာလန်ခေါင်းဆောင်တွေအပေါ် ရုံးတင်စစ်ဆေးတာဟာ နောက်ထပ် လပေါင်းများစွာ ကြာနိုင်တယ်လို့ မျှော်လင့်ရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up