ရှမ်းပြည်နယ်ရဲ့ အေးစိမ့်တဲ့ ဆောင်းတွင်း မြောက်ပြန်လေတဖြူးဖြူး တိုက်ခတ်နေချိန်မှာ မီးတွင်းမိခင် (မီးဖွားပြီးခါစ မိခင်) မအမ်လူတယောက် ရက်သားအရွယ် ကလေးငယ်ကို ချီပိုးပြီး နာရီပေါင်းများစွာ ခြေကျင်ခရီးနှင်ခဲ့ရပါတယ်။ မအမ်လူဟာ အသက် (၂၅) နှစ်အရွယ် ရှမ်းပြည်နယ်မြောက်ပိုင်း၊ ကွတ်ခိုင်မြို့နယ် ပန်ကူကျေးရွာ၊ ပန်ကူဒုက္ခသည်စခန်းမှာ နေထိုင်သူဖြစ်ပါတယ်။ နိုဝင်ဘာ (၂၀) ရက်နေ့က တအာင်း(ပလောင်) အမျိုးသားလွတ်မြောက်ရေး တပ်မတော် (TNLA) မှ ကွတ်ခိုင်အခြေစိုက် တပ်မတော်အရာရှိတဦးကို ဖမ်းဆီးသွားခဲ့တဲ့ကိစ္စနဲ့ ပတ်သက်ပြီး ခေါ်ယူစစ်ဆေးလိုတဲ့အတွက် မီးဖွားပြီးခါစ ရက်ပိုင်းသာရှိသေးတဲ့ မအမ်လူကို မြန်မာ့တပ်မတော်မှ ခေါ်ဆောင်သွားခဲ့တာပါ။ မအမ်လူနဲ့အတူ ရက်သားအရွယ် သူ့ရဲ့ကလေးငယ်နဲ့ နောက်ထပ် အသက် (၂) နှစ်ကျော်အရွယ် ကလေး (၁) ဦး၊  အသက် (၂၇) နှစ်အရွယ် အမျိုးသမီး (၁) ဦး၊ အမျိုးသား (၁) ဦးတို့ကိုပါ တပ်မ (၉၉) က ဖမ်းဆီးခေါ်ဆောင်သွားခဲ့ပါတယ်။ “ကျမကို စစ်ဆေးစရာရှိလို့ အုပ်ချုပ်ရေးမှူးအိမ် ခဏလိုက်ခဲ့ပါ၊ ကလေးရော ခေါ်ခဲ့ပါလို့ပြောပြီး ခေါ်ခဲ့တဲ့အတွက် လိုက်လာခဲ့ပါတယ်” လို့ သူမက ပြောပြပါတယ်။ ကလေးငယ် (၂) ဦးပါတဲ့ မအမ်လူတို့ (၅) ဦးဟာ အုပ်ချုပ်ရေးမှူးအိမ် ရောက်ချိန်မှာ အုပ်ချုပ်ရေးမှူး မရှိလို့ တပ်မ (၉၉) ဗျူဟာမှူးမှ တွေ့ချင်ပါတယ်ဆိုပြီး ဆက်လက် ခေါ်ဆောင်သွားခဲ့တယ်လို့ ဆိုပါတယ်။ တောလမ်းအတိုင်း လမ်းလျှောက်ခဲ့ရပြီး တပ်ထဲရောက်ချိန်မှာတော့ (၂) ညစလုံး အိပ်မပျော်ခဲ့ကြောင်း မအမ်လူက ပြောပါတယ်။ “အေးလွန်းတော့ ကလေးက တညလုံးငိုတယ်၊ အိပ်မပျော်ဘူး။ လမ်းလျှောက်လာရတော့ ပေါင်၊ ခြေထောက်တွေက ကိုက်တယ်။ ကလေးတခုခုဖြစ်မှာလည်း အရမ်းစိုးရိမ်ခဲ့တယ်” လို့ သူမက ဆိုပါတယ်။ ရက်သားကလေးငယ်နဲ့ မွေးဖွားစမိခင်ကို စစ်ဆေးဖို့ဆိုပြီး မြန်မာ့တပ်မတော်မှ အခုလို အေးချမ်းတဲ့ရာသီမှာ လမ်းလျှောက်ပြီး ခေါ်ဆောင်သွားတဲ့အပေါ် အမျိုးသမီးအရေး ဆောင်ရွက်သူများက ဝေဖန်ကန့်ကွက်ခဲ့ပါတယ်။ “ကလေးမွေးပြီးခါစ မိခင်နဲ့ ရက်သားကလေးငယ်ကို လေတဖြူးဖြူးတိုက်တဲ့ကြား နာရီပေါင်းများစွာ လမ်းလျှောက်ခိုင်းတာ စဉ်းစားလို့မရဘူး” လို့ ကွတ်ခိုင်မြို့၊ အမျိုးသမီးနဲ့ ကလေးငယ် အခွင့်အရေး ဆောင်ရွက်နေသူ မမိုင်းမိုင်က ပြောပါတယ်။ ဖမ်းဆီးခေါ်ဆောင်ထားတဲ့ ပန်ကူစစ်ဘေးရှောင်စခန်းမှ မိခင်နဲ့အတူ ကျန်သူများကို စစ်ဆေးမေးမြန်းရာမှာ ထူးခြားမှု မရှိတဲ့အတွက် နိုဝင်ဘာ (၂၂) ရက်နေ့ ည (၈) နာရီကျော်မှာ ပြန်လွတ်လာခဲ့ပါတယ်။ “ဘယ်လိုပဲ စစ်ဆေးဖို့လိုပါစေ၊ ကားနဲ့ခေါ်သွားသင့်တယ်။ အခု သူ့ကိုကြည့်ရတာ ခေါင်းကိုက်တယ်။ မူးတယ်။ နှလုံးတွေ အရမ်းခုန်ပြီး လန့်နေတယ်” လို့ မမိုင်းမိုင်က ဆိုပါတယ်။ ပြန်ရောက်လာတဲ့ မအမ်လူဟာ စိတ်ပိုင်းဆိုင်ရာ တခုခု ခံစားနေရတဲ့ပုံစံရှိပြီး ဆေးကုသမှု လိုအပ်နေတယ်လို့ ကွတ်ခိုင်မြို့၊ အမျိုးသမီးကွန်ရက်မှ လွေးအေးကလည်း ပြောပါတယ်။ မီးဖွားပြီးခါစ မအမ်လူနဲ့ ရက်သားကလေးကို ခေါ်ဆောင်သွားစဉ်က အဝတ်အစားကအစ အခြားလိုအပ်တဲ့ အသုံးအဆောင်ပစ္စည်းတွေ တခုမှ မပါသွားတဲ့အပြင် လမ်းလျှောက်ခေါ်ဆောင်သွားခြင်း ဖြစ်တဲ့အတွက် သူတို့သားအမိ ကျန်းမာရေးအတွက် စိုးရိမ်တယ်လို့ လွေးအေးက ဆက်ပြောပါတယ်။ “(၁၂) ရက်သားကလေးနဲ့ မီးဖွားစမိခင်ကို ဒီလို အေးတဲ့အချိန် ဘာပစ္စည်းမှမပါ၊ လမ်းလျှောက်ခေါ်သွားတော့ လူသားပီပီ ကိုယ်ချင်းစာစိတ်တော့ ရှိသင့်တယ်လို့ ထင်တာပေါ့။ (၄) မိုင်လောက်ဝေးတဲ့ ခရီးကို လမ်းလျှောက်ခဲ့ရတာလေ” လို့ လွေးအေးက ပြောပြန်ပါတယ်။ မြန်မာ့တပ်မတော်မှ ဖမ်းဆီးစစ်ဆေးနေစဉ် မအမ်လူကို ညှဉ်းပန်းနှိပ်စက်မှုတွေ မရှိပေမယ့် သူမစိတ်ထဲမှာ စိုးရိမ်မှုများနဲ့ ကြောက်စိတ်များ လွှမ်းမိုးနေခဲ့မှာ သေချာတယ်လို့ ပန်ကူ စစ်ရှောင်ဒုက္ခသည်စခန်းမှာ နေထိုင်သူများက ပြောဆိုနေကြပါတယ်။ “မီးနေသည်တယောက်ဟာ မီးဖွားပြီး (၁၂) ရက်မှာ ခရီးဝေးလမ်းလျှောက်ရတော့ အခု ဘာမှမဖြစ်ပေမယ့် နောက်ကျရင် ဆိုးကျိုးတွေ ဖြစ်လာမယ်။ သူ့မျက်နှာက ရောင်နေတယ်။ နောက်ပိုင်းမှာ ဒဏ်တွေဖြစ်လာနိုင်တယ်” လို့ လွေးအေးက ဆက်ပြောပါတယ်။ ပဋိပက္ခဖြစ်ပွားတဲ့ ဒေသများမှာ အမျိုးသမီးများအပေါ် အကြမ်းဖက်မှုများ၊ ခြိမ်းခြောက်မှုများ ဖြစ်ပွားနေတဲ့အတွက် အမျိုးသမီးနဲ့ ကလေးများအတွက် လုံခြုံမှုမရှိဘူးလို့လည်း အမျိုးသမီးရေး တက်ကြွလှုပ်ရှားသူများက ဆိုပါတယ်။ “မီးဖွားစမိခင်၊ ကလေးငယ်တွေ၊ အမျိုးသမီးတွေကို ခေါ်ဆောင်သွားတာ လူ့အခွင့်အရေး ချိုးဖောက်တာပဲ။ အိမ်ကလူတွေက နိုင်ငံရေးနဲ့ မဆိုင်ဘူးလေ။ ကျနော်တို့ဒေသမှာကတော့ အမျိုးသမီးတွေအတွက် လုံခြုံမှုက လုံးဝကိုမရှိတာပါ” လို့ ပန်ကူအုပ်ချုပ်ရေးမှူး ဦးအိုက်စံက ပြောပါတယ်။ စစ်ရှောင်စခန်းမှာ နေထိုင်တဲ့ မီးဖွားခါစ မိခင်နဲ့ ကလေးငယ်များကို ခေါ်ဆောင်သွားတဲ့အချိန်မှာ သိသိချင်း လိုက်လံသွားရောက်ဖြေရှင်းပေးခဲ့ကာ နိုဝင်ဘာ (၂၂) ရက်နေ့မှာ တပ်မှ ဖမ်းဆီးခေါ်ဆောင်သွားတဲ့သူ (၅) ဦးကို ပြန်လွှတ်ပေးခဲ့တယ်လို့ ဦးအိုက်စံက ပြောပါတယ်။ “ကလေးမွေးဖွားစဆိုတော့ အချုပ်ထဲမှာနေရတာ ကျဉ်းတယ်။ အေးတယ်။ ကလေးကငို အိပ်မရ ခေါင်းမူးတာတွေ ဖြစ်တယ်။ သူ့ရဲ့စိတ်ကတော့ ကျန်းမာရေးကတော့ ဒဏ်ဖြစ်နေအုံးမယ်” လို့ ဦးအိုက်စံက ဆိုပါတယ်။ ယခုနှစ် သြဂုတ် (၁၇) ရက်နေ့ကလည်း တအာင်း(ပလောင်) အမျိုးသားလွတ်မြောက်ရေး တပ်မတော် (TNLA) မှ နမ့်ခမ်းသူ၊ ကလေး (၃) ယောက်မိခင် နန်းမိုဟွမ်ကို တလကျော်ကြာ ဖမ်းဆီးခေါ်ဆောင်မှု ပြုလုပ်ခဲ့ပါတယ်။ စစ်ပဋိပက္ခနယ်မြေများမှာ မည်သည့်လက်နက်ကိုင်တပ်မဆို အမျိုးသမီးများကို ပစ်မှတ်ထားခြင်း၊ ဓားစားခံပြုခြင်း၊ အတင်းအဓမ္မ ဖမ်းဆီးခေါ်ဆောင်ခြင်း မပြုလုပ်သင့်ကြောင်း တအာင်း(ပလောင်) လူငယ်တဦးဖြစ်တဲ့ မိုင်ကောင်းဆိုင်က ပြောပါတယ်။ ထို့အပြင် “သံသယရှိပြီး စစ်ဆေးမေးမြန်းဖို့ လိုအပ်တဲ့ ကိုယ်ဝန်ဆောင်အမျိုးသမီးများ၊ မီးဖွားခါစ မိခင်များကို သူတို့နေထိုင်တဲ့ နေရာများမှာသာ စစ်ဆေးရမယ်” လို့လည်း မိုင်ကောင်းဆိုင်က ဖြည့်စွက်ပြောပါတယ်။ “TNLA က တပ်မတော်သားကိုဖမ်းလို့ တပ်မတော်သားက အရပ်သားကို ပြန်ဖမ်း စစ်ဆေးတာမျိုး မလုပ်သင့်ဘူး။ နောက်ပြီး ကလေးမွေးခါစ မိခင်နဲ့ ရက်သားကလေးငယ်ကို တပ်ထဲအထိ လမ်းလျှောက်သွားခိုင်းတာ တော်တော်ဆိုးရွားတယ်။ အမျိုးသမီးတွေကို စိတ်ပိုင်းဆိုင်ရာ ထိခိုက်အောင် လုပ်နေတာပဲ” လို့ မိုင်ကောင်းဆိုင်က မှတ်ချက်ပြုပါတယ်။ ပဋိပက္ခဖြစ်ပွားနေတဲ့ ဒေသများမှာ အမျိုးသမီးများနဲ့ ကလေးငယ်များကို ဓားစာခံအဖြစ် အသုံးပြုမှုကို ရှုတ်ချပြီး မည်သည့်လက်နက်ကိုင် အဖွဲ့အစည်းမဆို အမျိုးသမီးနဲ့ ကလေးသူငယ်များကို အတင်းအဓမ္မ ဖမ်းဆီးခေါ်ဆောင်သွားခြင်းကို ကန့်ကွက်ကြောင်း အမျိုးသမီးရေး တက်ကြွလှုပ်ရှားတဲ့ အဖွဲ့များက ပြောပါတယ်။ အမျိုးသမီးများ ငြိမ်းချမ်းရေးနှင့် လုံခြုံရေးကိစ္စရပ်များအတွက် ပထမဆုံး ချမှတ်ခဲ့တဲ့ ကမ္ဘာ့ကုလသမဂ္ဂ လုံခြုံရေးကောင်စီ၊ ဆုံးဖြတ်ချက်အမှတ် (၁၃၂၅) မှာ စစ်ပွဲ၊ ပဋိပက္ခများအတွင်း အမျိုးသမီးများနှင့် မိန်းကလေးငယ်များအပေါ် သက်ရောက်မှုများကို ထည့်သွင်းစဉ်းစားပြီး ငြိမ်းချမ်းရေး တည်ဆောက်ရေးတွင် အမျိုးသမီးများရဲ့ အခန်းကဏ္ဍကို မဖြစ်မနေစဉ်းစားဖို့ လိုအပ်ကြောင်း အလေးထား ဖော်ပြထားပါတယ်။ (hiburma.net ဝက်ဘ်ဆိုက်မှ ပြန်လည်ဖော်ပြသည်။)